87.

Universis presentes litteras inspecturis Walterus, Dei gratia episcopus Tor- 'nacensis, in Domino salutem. Notum facimus, quod Walterus de Cokelare, miles,

93

et Aelidis, ejus uxor, coram nobis recognoverunt, quod ecclesia sancti Bcrtini emit immo potius redemit ab eis duas partes totius decime magnorum angulorum sive magnorum conductuum parrochie de Cokelare, in qua dicta ecclesia jus optinet patronatus, quorum angulorum sive conductuum una decima vocatur Wa- dinghem, altera Sutdorp et tercia Westbeke; item emit dicta ecclesia ab eis seu potius redemit duas partes parve decime in Sutdorp in eadem parrochia, quas duas partes decimarum dictus Walterus tenebat in feodum a nobili viro domino Arnoldo de Chison, milite, ipso Arnoldo et illustri domina Margareta Flaudrie et Hanonie comitissa suum ad hoc consensu m prebentibus et assensum; et ipsi ambo Walterus et Aelidis predicti renunciaverunt, werpiverunt et reddiderunt dictas decimas et quicquid juris habere poterant in eisdem in manus nostras ad opus ecclesie memorate, prominentes fide prestita et interposito juramento, quod eas quitas et liberas garandizabunt et liberabunt ipsi ecclesie contra quos- cunque et ab omni relevio et dote seu donatione propter nuptias et omnibus aliis, que aliquo modo peti possent in dictis decimis; tenentur ipsi et heredes eorum dictam ecclesiam tenere immunem, liberam et indempnem nullo eis ser- vitio dando pro hiis faciendis. Dictus autem Walterus assignavit domine Agneti, matri sue, et Aclidi, uxori sue, in excambio competentem dotem pro dote, que eis competere posset in dictis decimis, super omnia bona, que emit a domino Willelmo de Avelinghem. Dicentibus dictis Agnete et Aelide se bene contentas esse excambio et assignamento sibi facto; et fule ac juramento voluntarie prestitis, promiserunt, quod in dictis decimis nunquam aliquid reclamabunt ratione dotis vel donationis propter nuptias vel alia de cansa. Dicti autem Walterus et Aelidis renunciaverunt pro se et heredibus suis omni juri ecclesiastico et civili, quod pro ipsis vel heredibus suis posset facere in hac parte et omni exceptioni, que vel excogitata est vel excogitan posset in posterum contra predicta. Recognoverunt etiam, quod dictum contractum fecerunt propter evidentem utilitatem suam et heredum suorum, quia bona illa, que emerunt a dicto domino Willelmo de Avelin ghem, utiliora sunt eis et heredibus suis, presertim quia saniori conscientia pos- sessibilia ac etiam possidenda quam decime memorate, que bona emerunt de precio decimarum. Promiserunt etiam fide prestita et sub pena quingentarum librarum currentis monete, quod, quam cito heres eorum ad etatem legitimam pei venerit et ab ecclesia predicta requisiti fuerint, ipsum talem habebunt, quod predicto contractui suum prebebit assensum. Rogaverunt etiam nos et successores nostros, quod, si ipsi vel heredes eorum contra predicta vel aliquod predictorum venirent, ipsos sine omni cause cognitione, monitione premissa, excommunicaremus et ex- communicatos denunciaremus. Tandem vero ad preces ipsorum nos, qui curam et sollicitudinem debemus gerere, ut ea, que ad utilitatem ecclesiarum legitime facta sunt, firma et stabilia valeant permanere, dictam emptionem seu potius redemptionem et illorum resignationem, werpitionem et redditionem, et omnia,

96

que facta sunt circa predictum contractum, approbavimus et confirmavimus, et dictas decimas seu partes decimarum undecumque proveniant in locis predictis concessimus predicte ecclesie in perpetuum libere et pacifice possidendas. In quorum omnium testimonium presentibus litteris sigillum nostrum appendimus ac etiam dictus Walterus sigillum suum apposuit ad majorem securitatem predicte ecclesie faciendam. Datum anno Domini millesimo ducentésimo quadragesimo nono, mense junio.

Original. Sceaux enlevés.