133.

Jou, Gilles de Oxelers, baillieus des frans hommes de saint Bertin, fai savoir

a tous chiaus, qui ces presentes lettres verront ou oeront, que pardevant mi et pardevant les frans hommes de saint Bertin, cest asavoir sire Franchois Han- ghebot, sire Gille de Morcamp, Adrien de Latre, Jehan de le Nyepe, Jehan Gaymar, Mahieu le Vilain, Colard Heraut, Jakemon Gaymar et Mikiel de Staples, est venus en plaine court en propre personne Jakemes de le Scaghe, et dist et recognut, que pour les bienfais que il et si predecesseur avoient eu de leglize de saint Bertin, il volait donner et donnoit pour Dieu et en pure aumosne, pour estre es prieres et bienfais et es orisons de ledite eglise a tous jours pour

Ш

lame de lui, de se feme, de sen pere, de se mere, de ses anciseurs et de ses bienfaiteurs, le baillie et le mairie de Poperinghes et les appartenances diceles, desqueles il estoit ayretes, et lesqueles il tenoit en fief, en foy et en hommage de ledite eglise; et me requist, que jou conjurasse les hommes dessusdis pour savoir mon se faire le pooit; et sur ce les conjuras, liquel jugierent, que faire le pooit par lassent et lottroy de sen plus apparant hoir au jour. Et apres ce, jou conjurai les hommes pour savoir, que jou en avoie afaire; liquel disent et prejugement, que jou demandasse audit Jakemon de le Skaghe, comment et en quele maniere il voloit issir desdites baillie, mairie et des appartenances diceles et de tout le fief dessusdit; et ensi, comme jugiet lavoient, li deman dai, et il respondi, que, pour plus seutement et au plus justement paremplir sen don dessusdit selonc le jugement dessusdit fait par les hommes dessusdis, il en voloit issir par Jehan Tetin, sen frere et sen plus apparant hoir, au jour, que la estoit presens et qui a ce metoit sen assent et sen acort. Et apres ce, je conjurai les hommes pour savoir, que jou en avoie avant afaire parmi ce que il en avoient oi et jugiet et pour aler avant et don dessusdit; liquel homme sur ce conjurei de mi, jugierent, que lidis Jakemes et Jehans ses hoirs ra- portassent en le main monseingneur labbe de saint Bertin, qui la endroit estoit presens, tout le fief entierement devantdit et toutes ses appartenances aloes de leglise de saint Bertin et pour ledite eglise ayreter, et si, comme jugiet estoit, lidit Jakemes de le Skaghe et Jehans, ses freres, comme hoirs ainsnes dudit Jakemon, raporterent en le main dudit monseingneur labbe aloes de le- dicte eglize et pour li ayreter, le baillie, le mairie, les appartenances et tout le fief devantdit. Sur ce je conjurai les hommes asavoir, se lidis Jakemes, par lottroy dudit Jehan sen hoir, avoit tout fait, que il en fust pour lui et pour ses hoirs soflisamment desyretes et ledicte eglise ayretee bien et aloy, liquel homme ensi conjure jugierent, que lidis Jakemes de le Scaghe, par lot- troi de sen hoir dessusdit, avoit tant fait, que il pour lui et pour ses hoirs estoit des dictes baillie, mairie et appartenance diceles et entierement de tout le fief dessusdit desyretes, et ledite eglise de saint Bertin a tous jours per- petuelment ayretee bien soflisamment et aloy, selonc lus et le coustume du pays. Toutes les coses dessusdites furent faites bien et aloy soflisamment as us et as coustumes dessusdites. Et • pour ce que elles soient et demeurent bien wardees a tous jours et tenues fermes et estaules , jou Gilles de Oxelers, baillicus dessusdis, ai mis men seel a ces presentes lettres. Et nous Franchois Hanghebot, Gilles de Morcamp, Andrien de Lattre, Jehans de le Nyepe, Jehans Gaymar, Mahieus le Vilains, Colars Heraus, Jakemes Gaymar et Mikieus de Staples, franc homme de ledicte église de saint Bertin dessusnomme, qui a toutes les coses dessusdites fumes present, et qui, au conjurement dudit baillieu, les jugames estre faites bien et aloy as us et as coustumes du pays. En tiesmoingnage de verite,

ш

avons mis nos seaus a ces presentes lettres avoeques le sael dudit baillieu. Che fu fait en lan de grace mil trois cens vint et noef, es mois de march.

Original. Sceaux enlevés.