In nomine domini, amen. Universis presentes litteras in spectuns et audituris. Nos Henricus dictus Ropaffe et Regina de Rense coniuges cupimus esse notum presentibus publice protestantes quod nos vendidimus et vendimus ac tradimus per presentes iure proprio inperpetuum Meythildi dicte de Wise begine Confluen. ementi et recipienti pro se et suis successoribus unam peciam terre vineate sitam in pertinenciis ville de Rense in floro qui dicitur Ruprecdishelde continentem terciam partem inrnalis mensure Confluen. a cuius uno latere

282

versus Rense Henricus dictus Schadecke, a superiori latere Rudengerus filius dicti Bergmann, a tercio latere Gernodus in der Breydergasse et Petrissa Herbordi, ab inferiori Alber tus maritus Cuze possident, ad habendum tenendum possiden- dum et quicquid sibi et suis successoribus deinceps perpetuo placuerit faciendum cum omnibus et singulis que infra predic- tos continentur confines vel alios si qui forent accessibus et egressibus suis usque in viam publicam, cum omni iure ac tione usu seu requisitione nobis ex ea vel pro eadem vinea aut ipsius vinee seu solo modo aliquo pertinente, pro pretio quinque marcarum et duorum solidorum bonorum denar. mo- nete in Confluentia usualium, quam pecunie summam confi- temur nos a dicta emptrice habuisse et recepisse et nobis numeratam esse integraliter et solutam, exceptioni non nume- rati non soluti pretii in hiis scriptis renunciantes omnino. Quam vineam nos constituimus dicte emptricis nomine possi- dere donec eiusdem vinee possessionem acceperit corporalem, quam accipiendi sua auctoritate eidem dedimus licenciam et plenariam potestatem; promittentes per nos et nostros here des dicte emptrici pro se et suis successoribus stipulanti litem vel controversiam non inferre super vinea predicta nec infer- enti aliquatenus consentire set ipsam vineam tam in proprie- tate quam in possessione eidem emptrici et suis successoribus per annum et diem iuxta terre consuetudinem ab omni homine collegio et universitate legitime defendere auctorizare et eciam disbrigare et predictam vendicionem ac omnia et singula supra et infrascripta rata habere perpetuo et tenere et non contra facere vel venire per nos vel per alios modo aliquo ingenio sive causa. Pro quibus omnibus et singulis integraliter obser- vandis et fideliter adimplendis constituimus dicte emptrici Ar- noldum dictum Scaffelere et Theodericum filium Renlindis de Rense nostros fideiussores et in solidum quemlibet eorum. Preterea recognoscimus et fatemur quod dictam vineam ab ea dem emptrice in emphitheosim perpetuam recepimus et recipi- mus in hiis scriptis pro sex solidis bonorum den. in Confluentia usualium, quos eidem et suis successoribus infra quatuor dies festivos nativitatis domini singulis annis nomine annui redditus sive census solvere promittimus et debemus, ita tamen quod post mortem dicte Meythildis eius successoribus causa renova- tionis huius emphitheosis aliquod ius quod vurhure dicitur vel

pretium nullatenus debeatur. Renunciantes exceptioni doli fori condictioni sine causa ac in factum actioni ac oinni alii auxilio iuris tam canonici quam civilis quod nobis contra premissa posset aliquatenus suffragari et obesse emptrici vel eius suc- cessoribus supradictis. Et nos fideiussores predicti premissa omnia et singula sic esse protestamur et vera, renunciantes expresse beneficio novarum constitutionum, epistole divi Adriani ac om- nibus aliis suffragiis iuris canonici et civilis. In quorum testi- monium commune sigillum . . scabinorum dicte ville in Rense ad preces nostras . . venditorum et . . fideiussorum presentibus est appensum. Et nos . . universitas scabinorum in Rense re- cognoscimus ad preces predictorum venditorum et fideiussorum commune sigillum nostrum presentibus appendisse. Actum feria secunda post festum beati Valentini, anno domini m.cc. nona- gesimo. Presentibus viris discretis Gernodo et Arnoldo fratribus in der Rreydergasse, Gernodo filio sculteti, scabinis de Rense, et aliis quam pluribus fide dignis pro testimonio ad hoc vocatis specialiter et rogatis.