Kunt sy allen luden dye desen breif zullen sien oder horen lesen, dat ich . . Henrich van Nassouwe, Hensebreghts son van Nassouwe ritters, dem Got ghenaede, bekennen in desem offenen briefne, dat ich gebeden haen mit hülfe mynre vrunde dye eirsome geystliche heren den . . commendur und die ge- meyne heren des Duytschenhuses zu Rovelentz, dat sy myn suster Konegont zotz yn intfangen haynt in sustergewyse irs ordens umb sonderlinge begerde und lyefde die sy zu yn hait. Ouch so bekennen ich, dat ich geloeft hain und geloeven vor mich und vor myn erven dem . . commendur und den gemey- nen heren des vorgenante huses zu Kovelentz, dat ich noch myne erven sy noch ir nacomelinge noch eren orden nummerme ayngespreghen nocht von sy vorderen en sullen alsullich guet als Konegont myn suster vorscreven ayn sy und ayn ir vorge nante hues zu Kovelentz braght hait oder noch brengen magh umb heyl irre zielen; alle argelist usz genomen. Und uf dat dit vaste und stede sy, so hayn ich . . Henrich van Nassouwe vorgenant myn ingesegel an desen brief gehangen; und umb eyne mere sigherheyt, so hain ich gebeden heren . . Diderich van Krumbennouwe, heren . . Henrich sinen bruder rittere und . . Everard van Scheyde knapen, dat sy ir segel an de sen brief willent hangen. Und wir . . Diderich van Krumben nouwe , . . Henrich van Krumbennouwe rittere und Everard van Scheyde vorgenant hain umb beden willen Henrichs vor screven unse segelle an desen brief gehangen in eyn gezuge- nisse der wairheyt. Ghegeven in den iaren unsers heren dusent dryhondart und eyn und seszich, uf des heyligen crucis dagh exaltatio sancte crucis.

439