A. dei gracia Trevirorum archiepiscopus. Noverint universi tam presentes quam futuri, quod Richardus canonicus sancti Florini filius domini Waltheri parvi a dilectis in Christo com- mendatore et fratribus domus Theutonice Confluen. recepit aream quandam in Metrich super litus Moselle sitam, que ad eosdem fratres pleno iure dinoscitur pertinere, tali conditione et pacto, quod habebit usum et habitationem ipsius liberam ad tempus vite sue, ac in festo purificationis beate Marie nomine pensionis persolvet duas libras cere; et quascunque structuras fecerit in eodem fundo, vel quocunque modo terminos ipsius ampliaverit, vel melioraverit fundum memoratum, post obitum ipsius ad dictos fratres et domum eorum sine contradictione qualibet re- vertetur, nec aliquis heredum vel propinquorum ipsius aliquid iuris quacunque de causa sibi poterit vendicare. Cum autem predicti fratres cum eodem clerico taliter convenerint et pro- missiones suas fecerint hinc inde super area predicta coram nobis, nos presens instrumentum una cum nostro et capituli sancti Florini sigillis fecimus communiri. Inhibentes autem sub pena excommunicationis, ne quis post obitum predicti clerici R. memoratos fratres turbare vel inquietare presumat, quomi- nus libera et quieta dicti fundi gaudeant possessione. Si quis autem hoc attemptare presumpserit, indignationem omnipotentis dei et excommunicationis sententiam se noverit incursurum. Datum Confluentie, anno domini m.cc.xl.viii., quarto non. maii, sequenti die inventionis sancte crucis.

Urkundenbuch des deutschen Ordens. 9

130