Wir Gerlach her zu Ysenburch inde vait zu Oyftendink heil zu bekeunen die warheit. Cunt sy alle den die desen bryef an syent inde horeut lesen, dat van alle der zwist inde zweyungen, die tuschen den herren van me Duztschenhuys van Covelenze inde Engelbreichte van Oyftendinc sint geweist ie zu eyn wile, sint hude an deisme dage vor uns alzemale ganz gemoytsunt, stetlichen zu haldene, urkunde bescheidener lude die dar bi inde da over geweist haint, Pauwilse deme drussessen, Riferde sime kneichte, Arnolde Hunzedale, dem alden vade, inde Petir, der herren hoifman van me Duztchen- hus, unse unse vait, die dis eyn ganz gezuch sint. Inde zu eyme ganzem gezuge, inde mirre stedegeit, umbe beide des vorgenanten Engelbreichts, so hayn wir unse ingesigel an de- sen bryef gehangen. De gegeven is des mitwogen vor half- vasten, dat man schrift van uns herren goits geburden dusent dru hundert, in deme vier inde drissichstme iare.