Nos Everardus nobilis vir de Katzenelenbogen comes, filius quondam domini Gerardi comitis ibidem, notum facimus uni versis tenore presentium publice protestando, quod nos utilitate nostra considerata, de consensu et voluntate dilecte matris nostre domine Margarete, pro nobis et nostris heredibus uni versis cum religiosis viris . . commendatori et . . fratribus domus

373

Theuthonice in Confluentia permutacionem faciendo, eisdem contulimus et conferimus irrevocabiliter in hiis scriptis ortulum nostrum, situm in Brubaco apud dominos de Schonauwe, im- perpetuum possidendum, pro sex denariis annui census monete in Brubach usualis, quos iidem fratres in recompensacionem ortuli prenarrati nobis et nostris heredibus supradictis contule- runt et supraportarunt, ab Aleydi filia Wigandi et suis heredir bus singulis annis imperpetuum recipiendos, de via que ducit ad curiam ipsius Aleydis, de qua via censum predictum fratri- bus prenotatis solvere consuevit. Propter quod nos Everardus nobilis predictus ortulo prenarrato renunciantes simpliciter et precise ipsum . . commendatori et fratribus antedictis suprapor- tavimus, coram scabinis infrascriptis cum omnibus sollcmpnita- libus debitis et consuetis, et supraportamus per presentes libere et absolute ad habendum eundem et possidendum et cum eo- dem deinceps ordinandum et disponendum prout ipsis visum fuerit expedire. Promittentes eciam dictis religiosis bona fide permutacionem pretactam et contractum ratos tenere et firmos et non contra facere vel venire per nos vel per alios ullo um- quam tempore aliqua ratione arte ingenio sive causa. In cuius rei testimonium presens scriptum sigillo nobilis matrone domine Margarete matris nostre supradicte una cum sigillo nostro . . fratribus sepedictis tradidimus communitum. Et nos Margareta predicta premissa vera esse recognoscentes, in signum quod omnia prenarrata de voluntate nostra processerit, ad preces E. filii nostri memorati sigillum nostrum duximus presentibus ap- ponendum in testimonium premissorum. Acta sunt hec in Brubacho.

Presentibus viris discretis et honestis, videlicet Gobelino sculteto, Sibodone dapifero et Hermanno quondam portenario, scabinis in Brubacho, et quampluribus aliis fidedignis ad hoc vocatis et rogatis.

Datum in vigilia ascensionis domini, anno eiusdem M. tre- centesimo decimonono.