Ich Arnolt Heschin von Lemmen tun kunt allen den die disen brief sehent oder horent lesen, das ich gewechselt han mit den erwirdigen herren dem comendur un den andern bru- dern des Thuschenhus ze Coblentz un in gegeben han ein teil stuk landes die ich hatte ligende entzwischent iren akern ze Kalte. Da gegen hant sie mir gegeben, in Owelung, ze Ni- dernreche un uf Hoche das ich da han an den drin stuken vier morgen un alsolich rechtunge un gulde als ich schuldig was ze gebene, von den stuken die ich in gewechselt han, ze Miinster in Spanheimer hof un ze Lemmen in der herren hof von sant Symeon, die erkenne ich mich ze gebende in die vorgenanten hove uf du dru stucke die sie mir gegeben hant in demselben rechte als sie gab von den stucken die sieh mir gegeben hant. Un dise vorgenante wechselunge ist geschehen mit willen un wissende Stebenstumphes der schulteisse ist Spanheimer gutes, Iacobes Zuverlaz und Heinr. Beme zwene hofmann des selben hoves, Heinman Ringes sun schulteisse sant Symeones gutes, Dietrich Polman und Sifrid Sturn hofmanne des selben hoves. Och veriehen wir die vorgescreben, das Arnolt Heschin der vorgenante dise wechselunge getan hat mit unsern willen un der hoeven bestes da mit getan hat. Ouch setzen ich der vor- genante Arnolt Heschin zu biirgen den egenanten herren dem comendur un den andern brudern des Thuschenhus ze Cob- lentz viir mich un mine kint un viir alle ansprache aller miner erben Dietrichen Waben, Sibrech von der Leyen, Lamprech Hering un Peter von Lemmen edele knechte. Ouch veriehen wir die vorgenanten das wir biirgen sin des egenanten Arnol- des Heschins gen den vorgeschriben herren dem comendur un den brudern des Thuschenhus zo Coblentz vür verzichnunge siner kinde un ir gut ze eigende un alle ansprache von den vorgenanten gute ab ze tunde. Ouch bit ich der vorgenante Arnolt Heschin mit minen bürgen schulteissen un hoveluten der vorgenanten hoeven Walthern Heinzchins sun von Munster un sinen swager Dietrichen Matoerlin zwene scheffen von Mün

28 *

436

ster, daz sie ir ingesigcl henken an disen brief zoe einer ur- kunde un einer sicherheit dirre dinge die hie vor geschriben stant. Ouch veriehen wir die vorgenanten, das wir durch des vorgeschriben Arnoldes Heschin bet un schulteisse hofliite un biirgen, die uns da umb gebetten hant, unser ingesigel henken an disen brief. Der gegeben wart an sant Matheus abent, do man zalte von gotes geburt druzehen hundert iar un da nach in dem siben un zwenzegesten iar.