Fridericus dei gratia Romanorum imperator semper augu- stus Ierusalem et Sicilie rex. Per presens scriptum notum fieri volumus universis tam presentibus quam futuris, quod nos feci- mus assignari in manibus fratris Hermanni venerabilis magistri domus sancte Marie Theutonicorum in Ierusalem fidelis nostri castra subscripta, videlicet Castrum Celi, Roccam Willielmi, Roccarn de Bantra, Roccam Presentiani, Roccam sancti Angeli de Rupe Canina, Roccam Montis Dragonis, Castrum Atini et Petram de Tocco. Que omnia dictus magister tenebit nomine Romane ecclesie in expensis nostris, in cautionem scilicet et secnritatem, quod nos dabimus fideiussoriam cautionem bona fide infra terminum octo mensium sub illa forma que in trac- tatu pacis continetur. Qua fideiussoria cautione prestita idem magister resignabit nobis eadem castra vel cui nos precipiemus. Ad cuius rei memoriam presens scriptum fieri fecimus et sigillo nostro communiri. Datum in castris prope Ceperanum, anno dominice incarnationis m.cc xxx., mense augusto, tertie in- dictionis.