In nomine domini, amen. Universis ad quos presentes lit- tere pervenerint nos scultetus milites scabini totaque universitas oppidi Confluen. dinoscere veritatem. Noveritis quod nos de unanimi nostro consensu per sonitum campano congregati ad peticionem reverendi patris et domini nostri domini Bald, sancte Trevirensis ecclesie archiepiscopi necnon principaliter pure et simpliciter propter deum tradidimus et tradimus donavimus et donamus donacione inter vivos et irrevocabiliter pro nobis et nostris successoribus universis viris religiosis et honestis fratri- bus domus Theutonice in Confluen. recipientibus pro se et suis successoribus universis quandam nostram aream liberam et so- lutam ab omni onere censuali sitam Confluen. inter hos con fmes, ex uno latere possident dicti fratres et situm est hospi- tale eorundem, ex alio sita est domus lapidea pertinens ad altare sanctorum Petri et Pauli apostolorum in ecclesia sancti Castoris, ex anteriori parte est vicus et ingressus qui ducit ad monasterium fratrum predictorum, ex quarto latere tendit dicta area super murum oppidi Confluen. versus Mosellam, ad ha bendum tenendum etc.; tum propter hoc quia dicti fratres re- ligiosi sunt et eciam propter hoc quia per dictam aream inten- dunt meliorare suum hospitale in quo Confluencium egrorum et egenorum necessitatibus se exponunt, pascunt esurientes, sitientes potant, colligunt hospites, vestiunt nudos, infirmos visi tant, et quibus in infirmitatibus participant hiis caritative [com municant] in sepulchris. Promittentes ergo dictis fratribus legi time stipulantibus sibi super dicta area facere debitam waran- diam et contra premissa non lacere vel venire etc., sed dictam aream cum omni iure et proprietate nobis in ea competente dictis fratribus resignavimus et resignamus manu ore et calamo cum sollempnitatibus debitis et consuetis. Renunciavimus in- super exceptioni doli, fori privilegio, actioni et exception! in factum, condictioni sine causa, litteris impetratis et impetrandis et omnibus aliis exceptionibus iuris canonici vel civilis que

367

nobis vel alicui nostrum contra premissa possent quomodolibet suffragari. In cuius rei testimonium et perpetuam firmitatem sigillum nostri communitatis duximus presentibus apponendum. Actum et datum in vigilia beati Bartholomei apostoli, anno do- mini millesimo trecentesimo decimo octavo.