Ich Mechtilt wilen grevinne was ze Seine, dun kunt allen den die disen brif sulen sin inde horen, dat ich den bruderen van deme dutschen hus van Overbreitbach han gegeven in almusen minen hof de liget op deme ackere bi der Nuwenburg den ich machete inde buwede sider der zit dat ich min gut an dat gestichte van Colne kerde, inde darzu allet dat gut dat darzu gehoret, dat ich ouch al vergolden haven bit minen penningen sider der zit dat ich min ander gut kerde an dat gestichte van Golne. Dit han ich gedan bit also sulchen vorworden dat ich dat selve gut sal haldeu zu mime urbure also lange alse ich leven; inde so wanne ich en bin so will ich dat Gekele die alde inde Gekele die iunge mine iuncfrowen den selven hof inde dat selve gut halden inde des gebruchen vriliche, die wile si leven; so wanne ir ein stirvet, so sal die andere die da levende blivet den selven hof inde dat selve gut genzeliche inde alincliche besitzen inde des gebruchen, die wile si levet; so wanne si beide doit sint, so sal de hof inde allet dat gut los inde ledich eweliche bliven den selven dutschen bruderen van Breitpach in almusen vor mine sele inde minis herren sele inde allir miner

232

vorderen sele. Inde op dat die selve brudere deste stedigere inde deste rester sin an deme gude, so han ich des bit un overdragen dat ich si ze hanz lazen ingan also dat si dat selve gut sulen winnen ze half'scheide inde sulen mir die wile ich leven allir iarlichs half die urbure geven van demegude, inde na mime live den selven iuncfrowen also alse hie vor gespro chen is sunder argelist. In urkunde inde in stedicheide diser dinge, so han ich den selven dutschen bruderen van Overbreit- pach disen brif gegeven besigelt bit mime ingesigele. Dit ge- scach na unses herrengodes geburde dusin iar zweihundert iar inde echte inde sivenzich iar.