Nos Wernherus dei gratia sancte Maguntine sedis archi- episcopus sacri imperii per Germauiam archicancellarius. Uni- versis cupimus esse notum quod cum dilecti in Christo . . commendator et fratres domus Teutonice in Frankenfort et nobilis vir Wernherus de Falckenstein parrochialem ecclesiam in Bruningesheim et capellam in Redelnheiin cum suis iuribus et pertinentiis universis, nostre dioc. , permutarunt tali modo quod dicti fratres ius patronatus eiusdem capelle transtulerunt in nobilem memoratum et idem nobilis ius patronatus pre- dicte parrochie eisdem fratribus donavit et tradidit vice versa: nos devotis eorum precibus inclinati permutationem eandem ratam habemus pariter et acceptam. Ita videlicet quod pre- dicti fratres parrochiam in Bruningesheim eo iure, quo dictam capellam in Redelnheim habuisse noscuntur, debeant inantea possidere, nostro et loci archidiaconi iure salvo. Dantes has litteras in commune testimonium super eo. Datum apud Se- ligenstat, anno domini m.cc.lxxv., ii. non. ianuarii.