Wir der schultheisse, der vogit, die scheffen, der heyn- burge un die gemeide zu Oftending dun kunt allen den ienen die disen brief horent oder sent, dat wir samenckliche un ein- trechteklich umb unsirn gemeinen nutz un unsir kirchen zu forderst han geluwen den geistlichen liiden dem . . commendur un den brudirn des Thusch hus zu Koblentz die wisen die da genant sint in dem gegenwertigen briefe dar an diser gegen- wertig brief ist gehangen *), umb zwei punt wachsis allewege zu bezalende un zu gebende unsir kirchen zu Oftending ewek- lich uf Ostern, un die bezalunge sal an gan wanne nu Ostern kumit ubir ein iar; also dat die selben geistlichen lüde sollent geben nach zwenzich iaren von den Ostern als die bezalunge an geit, un vort malen ewecliche alle iar ein punt wachsis zu den zwein punden die hie fiir genant sint der selber unsir kirchen; un geloben ouch den selben fiirgenanten geistlichen luden wer- schaft zu dunde ewecliche, un stede un vaste zu haldende die selben lihunge der fiirgenanten wisen; un geloben och, ob die forgenanten geistlichen liide gehindert vorden an der fürgenan- ten lihunge von uns oder von keinen lüden, mit gewalt oder

1) Obige urkunde ist mit der urkunde nr. 429 zusammenge- heftet.

25 *

388

mit rechte, alse dat sie die fiirgenanten wisen behalden nit en- mochten noch besitzen, so bekennen wir uns dat wir in wider sollen geben und bezalen xx. marc guder penninge, iii. haller fiir den penning, die in dem fiirgenanten briefe och stent, die sie uns hant bezalt umb die fiirgenanten wisen. Wir geloben och me, dat wir die selben wisen niema andirs sollen lihen noch versetzen sundern dat wir si uns sollen behalden, un die fiirgenanten geistlichen liide sich dar iibir zu behelfende mit wazer drüber zu leidende un andirn iren nutz zu schaffende gelich der gemeinde. Un dis alles bekennen wir under dem banne des ofhcialis des hovis zu Koblentz. Un darumbe zu einer urkunde aller der furgesprochen dinge, so han wir den vorge- nanten geistlichen liiden disen brief besigilt gegeben un beste- tiget mit des selben . . officials ingesigil un ouch unsirs .. kircherren von Oftending, die ir ingesigil von unsir bede an disen brief hant gehangen. Un wir der . . official un der .. kircherre bekennen ouch dat wir durch bede der forgenanten gemeide unsir ingesigil an disen brief zu einer bestetegunge han gehangen. Der gegeben wart an sant . . Agnes tach, des iares do man zalte von . . godis geburt m.ccc. un xxvm. iar.