111) verkauf der Hälfte eines «fischereirechtes zu Laufen- Lurg. 31. Aug. 1300.

(Original im Stadtarchiv zu Gr. Laufendi«« und Oberrh. Zeitschrift Bd. XII, S. 296.)

Allen die dlsen brief ansehen! alder hören: lesen, künt ich Anna Heinrich Auspens elich wirtinne, das ich willeklich und umbetwungenlich han verköffet min morgengabe den halben teil der kleinen vischentze von dem Böggen nnez an die brügge ze Löffenberg Conrate Brünwarte bürger ze Löffenberg umv sechzehen phunt gemeiner phenningen, die ze Löffenberg genge und geneme sint, die ich von im enphangen hau und in minen nüz bekert, und hau mich enzigen vor offenem gerichte ze Löf fenberg mit rechter gesameter urteilde bi geswornem rade, und enzich mich öch an disem gegenwürtigen briefe bi dem selben eide, alles des rechtes und ansprache, so ich an der vorgenanten vischentz an geislichem alder alder an weltichem gerichte nü alder harnach mit deheiner flacht dinge in deheinen weg möchte han alder gewinnen, und hat er mir die vorgenanten vischentz wider verluchen in zinses namen ierlich umb drige mütte kernen, wer aber, das mich got inrünt fünf jaru eigennes gütes beriete, das ich die vorgenannten vischentz ze minen handen möchte wider geköffen an geverde, fo fol er mir fi in dem selben köffe wider lassen und des winköfes bas (l. bar). Diser dingen sint gezüge H. der schültheisse, Wern. sin brüder, P. Giller, C. Ströli, C. Chünze, H. Bremsen, P. Menler, 3t. kramer, Io. Kienberg, B. von Homberg, Ortolf der Wolf, H. der Amman und Rüdi Probeche. Und ze einem Urkunde einer warheit diser dingen so henken wir die bürger von Löffenberg unser ingesigel an disen brief, der wart geben an sant Verenün abende, do von gotz ge- bürt waren drüzehen hündert jar.