CLXX.

1291, 11. März.

Nos Andreas Dei gracia rex Hungarie. Memorie commendantes significamus quibus expedit vniuersis. Quod cum nos vniuersis nobi- libus Saxonibus, Syculis, et Olachis in partibus Transsyluanis apud Albam Jule pro reformacione status eonmdem congregacionem cum iisdem fecissemus de consilio omnium prelatorum, et baronum regni nostri, eo tempore nobis assistentium, magister Vgrinus dilectus et llili'lis noster quasdam possessiones suas Fogros et Zumbothcly uocatas iuxta fluvium Olth existentes asserens a se indebite alienatas, surgendo in ipsa congregacione nostra, sibi per nos reddi et restitui postulasset, et super hoc instrumenta ac priuilegia sua exhibuisset, tandem nos de facto dictarum pcssessionum magis clarificari uolentes, utrum ipsius magistri Vgrini fuerint nec ne, ab eisdem nobilibus, Saxonibus, Syculis, et Olachis diligenter inquiri fecimus, si dicte pos sessiones ad ipsum magistrum Vgrinum dinoscantur iuste et legitime pertinere. Qui quidem uniuersi et singuli predictas possessiones Fogras et Zumbothel uocatas ipsius magistri Vgrini, et suorum antecessorum esse, et fuisse retulerunt. Nos igitur, quia ipsas possessi ones ad ipsum magistrum Vgrinum iuste et legitime uidimus et scivimus pertinere, cum omnibus utilitatibus earum et pertinenciis reddidimus et restituimus ipsi magistro Vgrino, et per eum suis heredibus heredum- que suorum successoribus iure perpetuo et irreuocabiliter possidendas, eo modo, et ea plenitudine, quemadmodum per ipsius antecessores dicte possessiones habite exstiterunt et possesse. Datum apud Albam Jule in dominica inuocavit. Anno domini M°.CC°. nonagesimo primo.