O. dei gracia rex Boemie, dux Austrie et Stirie et marchio Moravie dilectis fidelibus suis iudicibus provincialibus et civitaten sibus universis per Austriam et supra Anasum constitutis graciam suam et omne bonum. Certa relacione intelleximus, quod quedam detestabilis consuetudo inmo pocius corrupteta peccatis malorum exigentibus in vestris partibus contra deum et iusticiam inolevit, videlicet quod prelatis, rectoribus seu plebanis ecclesiarum decedentibus quidam inprobi laici‚ inmo pocius crudeles tyranni‚ res mobiles et inmobiles quandoque ipsorum decedentium clericorum presumunt temere usurpare ac rapere violenter. Et quia summum bonum in vita est iusticiam colere et ius suum unicuique observare et maliciis hominum libertati ecclesiastice detrahentium obviare, fidelitatem vestram commonemus diligentissime et hortamur, addentes nichi lominus preces regias et districtum mandatum‚ quatenus factum tam inpium et enorme per totum nostrum dominicum inpune fieri nulla tenus de cetero permittatis‚ reos tante malicie taliter punientes, ut ipsorum pena metus esse debeat aliorum, nec ullatenus dubitetis, quin presens nostrum mandatum quomodolibet negligentes‚ cum super hoc querelam receperimus‚ sine lenitatis mansuetudine puniamus. Datum Prage XI. kalendas februarii‚ anno domini MCCLXVI, indictione nona.

Source Fulltext: LAMPEL, Urkunden Sanct Pölten (=FRA I, Wien 1981) S. 105-106