Wi^er Eberhart der Poumgartner richter z'ten zeiten ze Tulln und der rat von der selben stat: Chuonrat der Gausrabe, Dietmar der alt landrichter, Volrich der Wintter, Heinrich der Haunolde, Uolrich von Lengenbach, Dietmar der Toppel, Uolrich der chramær, Hertel der Poeschel, Uolrich der Chuebauch, Albrecht der beraiter, Perchtolde der mezzerære^a verjehen .... daz uns daz chunt und wol gewizzen ist, daz Symon hern Jungereiches sun und sin hausfrowe vrowe Margaret unde ir erben . . . . ir haus daz^b gelegen ist ze nechste an dem spital und an swester Mazzen haus, ze chaufen habent geben der erwærn frowen vrowen Elysabeten hern Heidenreiches wittben von Purkstall und irn erben .... Und ist der chauf geschehen mit guoten willen und gunst Stephanes des vorgenanten Symons bruoder, und siner swester Perchten Uolriches des hausgenozzen hausfrowe von Wiennen und siner swester Ottily Reichweins hausvrowen von Toebelich, und Kathereyn Georgii tochters, hern Jungereiches enninkel, dem got genade etc. Daru^eber geben wir disen brief ze urchunde besigelt mit unser stat insigel ze Tuln.¹ Der brief ist geben, da von Christes geburte warn ergangen dreuzehen^c hundert jar und in dem funfzehenten jar, an sant Nicolos tage.

Source Fulltext: LAMPEL, Urkunden Sanct Pölten (=FRA I, Wien 1981) S. 236