In nomine domini; amen. Nos Ulricus miseracione divina de canus et plebanus apud Sanctum Steffanum super Wagram Pataviensis dyocesis tenore presencium constare volumus universis, quod, dum inter venerabiles viros dominos Ditmarum prepositum monasterii sancti Yppoliti et* conventum ibidem ex una et magistrum Henricum canonicum Olumuczensem nec non plebanum in Nelib parte ex altera super* decimis maioribus et minutis ac quibusdam aliis controversiis^a questio in iudicio verteretur, tantundem dicte partes ducte saniori^b consilio, labores et expensas evitare volentes, super omnibus questionibus, litibus et controversiis^c conpromiserunt et honorabiles viros dominos Wilh. decanum nec non plebanum in Pilchdorf eiusdem diocesis et magistrum Petrum de Wochenstat Olmucensis diocesis in arbitros arbitratores sive amicabiles conpositores elegerant, nos, si dicti arbitri in decisione dictarum questionum et litium discordarent, pro superarbitro, arbitratore seu amicabili conpositore^d predicte partes communiter assumentes. Qui arbitri iuxta formam conpromissi firmarie^e et de plano in dicto negocio procedentes questiones et lites super decimis maioribus ac quibusdam aliis rebus diffiniverunt^f et amicabiliter sopiverunt, pro ut in litera eorundem arbitrorum plenius continetur. Non valentes vero super decimis minutis in unum concordare, eandem minutarum decimarum questionem decidendam nobis conmiserunt. Nos vero informacione sufficienti a dictis arbitris ac aliis incolis ville Nelib et de vicinis ibidem recepta, partibus ad nostram pronuncciationem legitime evocatis, maturo consilio prehabito, deum habendo pre occulis super predictis minutis decimis taliter pronuncciamus, arbitramur, laudamur ac amicabiliter conponimus, quod ecclesia sancti Yppoliti seu prepositus ibidem eiusdem ecclesie nomine in omnibus locis et terminis parrochialis ecclesie in Nelib recipere debet decimas minutas, ubi prius maiores decimas percipere consuevit ab antiquo. Quam si^g nostram pronuncciacionem, laudum, arbitrium^h seu amicabilem conposicionem quecunque dictarum parcium non servaret sed eidem contrairet, nomine pene solvere tenebitur reverendo in Christo patri domino Alberto Pataviensi episcopo triginta marcas argenti puri ponderati: et nichilominus incidat penam in priori arbitrio per dictos arbitros promulgatam. In quorum omnium testimonium sigillum nostrum presentibus est appensum. Actum et datum anno domini millesimo CCCXXX nono, in vigilia beati Andree apostoli, hora nona, in loco habitacionis dotis nostre, presentibus dominis infrascriptis: domino Ditmaro plebano in Marcharstorf¹, domino Fridrico, extunc nostris sociis de Lengpach, domino Henrico cappellanoⁱ nostro et aliis pluribus fidedignis, qui interfuerunt predicte pronunc ciacioni rite et racionabiliter per nos facte. Et ego Theodericus de Mitwede^j quondam Chunradi de Franchenaw^k clericus Mizzenensis diocesis auctoritate imperiali publicus presens instrumentum scripsi meoque signo consueto signavi, rogatus specialiter et vocatus.

Source Fulltext: LAMPEL, Urkunden Sanct Pölten (=FRA I, Wien 1981) S. 331-332