Ich Otte der Stuechsse von Wienner herberg und ich Hadmar der Stuechsse zue den zeiten pharrer ze Pernhartstal sein prueder und ich Lucas der Stuechsse auch ir prueder wir vergehen und tuen chunt allen den die disen brief lesent oder hoerent lesen, di nu lebent und hernach chuenftig sind, daz wir mit unser erben gueten willen und gunst, mit verdachtem muet, zue der zeit do wir iz wol getuen mochten, recht und redleich verchauft und geben haben unsers rechten aigens drei schilling wienner phenning geltes, die da ligent datz Oberndorf auf u^eberlent, die uns mit rechter fuerzicht und mit loez ze rechter tailung gegen andern erben an gevallen sind, mit allen den nutzen und rechten alz wir si in aigens gewer her pracht haben, umb an sechzig phenning^a, vier phunt wienner phenning, der wir gar und gænzleich verricht und gewert sein, dem erbern manne Gundakchern von Werde und allen seinen erben fuerbaz ledichleich und vreîleich ze haben und allen irn frumen da mit ze schaffen, verchaufen versetzen und geben swem si wellen an allen irresal; und sein auch wir und unser erben unverschaidenleich der vorgenanten dreier schilling wienner phenning geltes Gundakchers von Werde und aller seiner erben recht gewern und scherm fuer alle ansprach, alz aigens recht ist^b und des landes recht ze^c O^esterreich. Wær aber daz in mit recht daran an icht ab gieng, daz suln si haben auf uns unverschaidenleich und auf allem unserm guet, daz wir haben in dem land ze O^esterreich, wir sein lebentig oder tode. Und daz diser chauf fuerbaz also stæt und unzerbrochen beleibe, dar umb^d so geben wir in disen brief zue einer ewigen vestnunge diser sache versigilt mit unsern insigiln¹ und mit unsers oehaims insigil hern Otten von Planchenstâyn, der diser sache gezeug ist mit seinem insigil. Dieser brief ist geben ze Wienne, nach Christes gepurd dreuzehen hundert jar dar nach in dem fuemf und vierzgisten jar, dez eritags in der andern ganzen vastwochen.

Source Fulltext: LAMPEL, Urkunden Sanct Pölten (=FRA I, Wien 1981) S. 366-367