Ich Vlreich der Chling und all mein erben wier vergehen offenbar an dem brieff und tuen chunt allen den di den brief lesent oder hoerent lesen, di nu lebent und hernach chunftig sind, daz wier mit wol bedachtem muet, mit gunst und guetem willen aller unser noegsten vreunt und auch durich noet durft willen, z'der zeit do wier es wolgetuen moechten, verchauft haben ain hof am Widerslag,² der gelegen ist in Chirchperger pharr, do auf gesezzen ist Fridreich, und da man jærleich von dient an sand Geoergen tag ain halb phunt phenning^a und an sand Michels tag ain halb phunt phenning^b wienner munz und vier herbsthu^err^c und ze weinachten^d vier rabenstainer chês und ze ôstern vier chës und ain lemmerspauch oder zehen phenning fuer den lemmerspauch^e und ze phingsten vier chës oder fumfzehen phenning fuer ie den chës und dreizzich aier, und dient auch der vorgenant hof dem pharrer ze Chirchperch an sand Michels tag fumfzehen phenning ze pu^erchrecht und nicht mær und hat auch der vorgenant pharrer von Chirchperch von dem vorgenanten hof nicht mær ze vodern weder stewr noch wandel, wænn wier alle recht auf dem hof haben als auf unserm rechten aigen; und haben auch verchauft unsers rechten aigens ain lehen, daz gelegen ist ze Pürgmanstorff, dor auf^f gesezzen ist Chunrat Echker, do man jærleich von dient ain halb phunt phenning^g an sand Michels tag, und ain hofstat do selbs dor auf gesezzen ist Hainreich der Schawrer,^h und do man jærleich von dient ain halb phunt phenning.ⁱ Di vorgenanten und vorgeschriben gueter haben wier recht und redleich hin geben und verchauft dem erbern herren hern Vlreichen dem^j probst ze Sand Polten und der gemain des convencz daselbs umb ains und vierzig phunt und^k umb fumf^l schilling und umb zehen^m phenning wienner muenz, der wier gar und gænzlich verricht und gewert sein, und haben in di vorgenanten gueter verchauft und auf geben mit allen den rechten und nuetzen als wier sew in nuetz und in gewer her pracht haben, es sei ze veld oder ze dorf, gestift und ungestift, chlain und grozz, versuecht und unversuecht, swie so daz genant sei, also beschaidenlich daz der vorgenant herr her Vlreich probst ze Sand Polten und di gemain des conventz da selbs mit den vorgenanten guetern und mit alle dew und dar zue gehoertⁿ allen iern frum do mit schullen schaffen mit versetzen mit verchaufen geben und schaffen swem si wellen an allen irresal. Wier sein auch der vorgenanten gueter und alles des daz dar zue gehoert ier recht scherm und gebern unverschaidenleich fuer all ansprach als puerchretz recht ist und aigens recht ist und des landes gewonhait in O^esterreich. Wær aver daz, daz in icht chriegs oder ansprach dar an auf gestuend oder chunftig wuerd, daz schullen wier in alles abtragen und richtig machen an allen iern schaden, und welhen schaden sew da von^o næment mit recht, den schullen wier in ab tuen^p an chrieeg und an alle widerred, dazschullen sew haben auf uns unverschaidenlich und dar zue auf allemdem guet daz wier haben in dem land ze O^esterreich, wier sein lembtig oder tod. Daz in daz alles stæt und unzebrochen beleib, dar uber so gib ich vorgenanter^q Vlreich der Chling den brief versigilten mit meim anhangunden insigel. Des sint gezeugen Jans der Waser, Hainreich der Schrat, Ott der Poemer mit ier aller anhangunden insigelen und ander erber leut genueg, den die wandlung wol chunt ist. Der brief ist geben nach Christi gepu^erd dreuzehen hundert jar darnach in dem ain^r und sechzigistem jar, des sambstag nach dem heiligem phingstag.

Source Fulltext: LAMPEL, Urkunden Sanct Pölten (=FRA I, Wien 1981) S. 516-518