In nomine domini; amen. Ego Symon archidiaconus et plebanus in Tulna, iudex ordinarius in causa que vertebatur inter honorabilem et religiosum virum dominum Johannem sindicum monasterii sancti Ypoliti rectorem parrochialis ecclesie in Chappella^a parte ab una et discretum virum dominum Chunradum rectorem ecclesie in Wirmula^b de quibusdam iuribus parrochialibus parte ex altera. Constitutis itaque in mei presencia partibus, dictus dominus Johannes iuris ordine michi conquerendo proposuit, quod prefatus dominus Chunradus rector ecclesie in Wirmula^c ecclesie sancte^d Petronelle in Chappella^a in suis iuribus multum derogasset et adhuc derogare non cessaret, procurando de plebe sua infirmos, sepeliendo mortuos, baptizando pueros, introducendo post partum mulieres, personales decimas percipiendo et nonulla sibi alia iura ecclesiastica vendicando dicte ecclesie in Chapella^a non in modicum preiudicium et gravamen. Chunradus vero rector ecclesie de^e Wirmla in contrarium asserebat, quod dicte ecclesie parrochiali in^f Chapella nunquam dero gasset nec in perpetuum^g derogare attemptaret, sed esset contentus tantummodo terminis limitibus ac iuribus dotem sue capelle respicientibus. Cumque idem Chunradus per me meosque assessores esset legittime requisitus, ut terminos limites sew alia iura que sibi usurpabat aliquibus certis documentis sive privilegiis demonstraret aut^h vivo testimonio comprobaret, respondit dicens, quia neque privilegio neque aliquo id valeret legittimo testimonio comprobare, sed consuetudinem introduxit, que apud omnes et singulos rectores ecclesie in Wirmla in eo tempore extitit interrupta. Et sic partibus coram me altercantibus,ⁱ de maturo consilio assessorum et specialiter venerabilis domini Fridl. yconomi episcopatus Pataviensis eius demque ecclesie canonici predicte partes utreque deliberaverunt, quod compromittere vellent de omni lite et controversia in duos arbitros arbitratores sew amicabiles compositores, et compromiserunt in dictum dominum Fridl. yconomum episcopatus Pataviensis et in me tamquam in bonos amicos et fideles arbitratores, promittentes nobis per sollempnem stipulacionem, stare, obedire nostro arbitrio laudo dicto pene pronunciacioni precepto et mox factam prolacionem approbare et in nullo contravenire quacumque racione. Nos vero predictam litem decidimus finaliter sub hac forma, quod predictus dominus Chunradus de Wirmla et omnes sui successores tamquam de gracia et non de iure debent esse contenti deinceps perpetuo sex areis situatis in Wirmla in dote ipsius capelle et in Enczing^j una curia cum duabus areis adiacentibus eidem curie nec non personalibus decimis hominum dictas areas et curiam possidencium et in nullis aliis sive in villis aut areis, domibus factis vel fiendis vel agris vel^k terminis, limitibus sew^l iuribus, quocumque nomine censeantur, debent sibi ulterius aliquod ius ecclesiasticum^m vendicare de omnibus que pertinent ad ecclesiam sancte Petronelle in Chappella. Debentⁿ insuper sepe dictus dominus Chunradus in Wiermla et sui successores hanc nostram diffinicionem et^o pronunciacionem sive arbitrium singulis annis, quandocumque de hoc requisiti fuerint, per aliquem canonicorum ecclesie sancti Ypoliti sew per plebanum de Chapella aut aliquem sociorum suorum pronunciare publice in ambone. Si autem idem dominus Chunradus de Wirmla aut aliquis suorum successorum aliqua infringeret premissorum aut facere in contrarium aliquid attemptaret, statim cadere debent ab omni gracia snperius in areis sive in curia limitata pariter et concessa. In cuius rei testimonium sigilla nostra presentibus^p duximus appendenda.⁴ Huius rei testes sunt: venerabilis pater et dominus dominus Nicolaus Herczogburgensis^q prepositus, nobilis dominus dominus Stephanus de Hohenwerch,^r dominus Nicolaus plebanus de Traysenmawr, dominus Nicolaus plebanus de Ynczenstorf, dominus Vdalricus plebanus in Chirchsteten, dominus Fridericus plebanus in Pehaimchirchen, dominus Fridericus plebanus in Mursteten et multi plures fide digni ad hoc vocati specialiter et rogati. Acta sunt hec Tulne, in domo habitacionis mee, in stipula minori, III. kal. Februarii, anno domini MCCCLXIII.^s

Source Fulltext: LAMPEL, Urkunden Sanct Pölten (=FRA I, Wien 1981) S. 560-562