Wir Rudolf von gotes genaden herzog ze Osterreich, ze Steir, ze Kernden, graf zu Tyrol etc. bechennen und tun kund, das unser lieber getrewer Chol von Seldenhofen und Elspet sein hausfraw den hof ze Dresdorf und alle gueter die darzu gehorent, die si da selbs gehabt habent und auch in aigens gewer habent her bracht, unserm getrewn Conradten Veyrtager^a verkauft habent, und sei wir daruber und was darzu gehort des selben Veyrtager^a und seiner erben scherm fur gewalt und unrecht nach des kaufbriefs sage. Mit urkund dicz briefs, geben zu Wienn‚ an dem suntag Judica, nach Kristi gepurde dreuzehenhundert jar darnach in dem vier und sechzigisten jare.||
† Hoc est verum. †¹

Source Fulltext: LAMPEL, Urkunden Sanct Pölten (=FRA I, Wien 1981) S. 587