Albertus dei^a et apostolice sedis gracia Pataviensis episcopus ad perpetuam rei memoriam. Quamvis ex debito pastoralis officii nostris humeris incumbente ecclesiis quibuslibet ac ecclesiasticis et presertim religiosis personis pia humanitatis suffragia et auxiliosa beneficia impendere debeamus, potissime tamen ad maioris et specialioris dona beneficencie nos reputamus spe cialiter obligatos hiis que de corpore nostre Pataviensis ecclesie primeva fun dacione receperunt originem et ubi per ampliora devocionis et salutifere exercitacionis opera gloriosius extollitur nomen dei. Sane cum monasterium sancti Ypoliti ordinis sancti Augustini canonicorum regularium nostre dyocesis, quod cum suis membris personis et ministris inibi virtutum domino famulantibus a nostra Pataviensi ecclesia fundacionis primitive^b originem recepisse dinoscitur, in quo eciam volente altissimo reli gionis observancia magna viget, ex malicia temporum, sterilitate annorum, ignis voragine, frequenti transitu exercituum ac litibus et disturbiis terrarum in prediorum suorum fructibus censibus obven cionibus^c et redditibus esset adeo dissipatum graviter et depressum, quod de parte residua necessitates eiusdem monasterii portari et in cumbencia onera expediri debite non valerent, nos compaciendo * magnis et inportabilibus dicti monasterii incomodis et defectibus supradictis, habito quoque super eo tractatibus consilio et deliberacione diligen tibus cum fratribus venerabilis capituli nostri Pataviensis, de illorum con silio et consensu venerabili in Christo Vlrico preposito, decano^d totique conventui prefati monasterii sancti Ypoliti et ipsorum monasterio dicte nostre dyocesis ecclesiam parrochialem sancti Ste phani prothomartiris in Huerben iam dicte nostre dyocisis cum suis iuribus redditibus et pertinenciis singulis et universis, cuius qui dem collacio ad nos et nostram Pataviensem ecclesiam pertinebat, damus donamus^e et tradimus pleno iure pro submovendis dictis deffec tibus et oneribus supportandis, ipsisque et eorum monasterio predictam ecclesiam incorporamus annectimus et unimus per ipsos et eorum successores sic unitam inantea retinendam possidendam perpetuo et habendam, ita quod prepositus et conventus dicti monasterii predictam ecclesiam in Huerben, cum ipsam cedente vel decedente rectore ipsius vacare contigerit auctoritate huiusmodi nostre incorporacionis et unionis per unum de fratribus sui monasterii vel secularem cleri cum presbiterum, prout eis et eorum monasterio melius et utilius expedire viderint, perpetuis temporibus licite inofficiare ordinare regere et effectualiter valeant gubernare, salvis tamen nobis et successoribus nostris per omnia et in omnibus iuribus dyocesis et iurisdiccionis, procuracionibus quoque legatorum et aliorum nunciorum sedis apostolice ac nostris et archidiaconorum sev decanorum nostrorum et aliis iuribus quibuscunque et quocunque nomine censeantur, quibus omnibus per huiusmodi indulgenciam donacionem et incorporacionem volumus in aliquo derogare. Volumus nichilominus et auctoritate presencium ordinamus, ut ecclesie sancti Stephani in Huerben prenotate in omnibus divinis officiis et de bitis obsequiis per solitum et conswetum deserviatur ministrorum numerum et cultus divinus, quem nostris volumus non minui sed augeri temporibus, inibi nul latenus negligatur. In quorum omnium et singulorum testimonium presentes appen ||
sione sigillorum videlicet nostri et predicti nostri capituli mandavimus com muniri. Datum Patavie, die beati Servacii episcopi, anno domini millesimo trecentesimo sexagesimo quinto.

Source Fulltext: LAMPEL, Urkunden Sanct Pölten (=FRA I, Wien 1981) S. 623-624