In nomine domini; amen. Vlricus divina permissione prepositus, Christoforus decanus totusque conventus monasterii sancti Ypoliti ordinis sancti Augustini canonicorum regularium Pataviensis dyocesis ad perpetuam rei memoriam. Docente experiencia, que cuncta rerum negocia sua disposicione efficaci^a novit magistraliter ordinare, iam multis retroactis temporibus cognovimus, quod propter communionem iurium et possessionum, que et quas cum reverendo in Christo patre ac domino nostro domino Alberto episcopo Pataviensi ipsiusque pre decessoribus in civitate seu loco sancti Ypoliti dicte Pataviensis dyo cesis habuimus et habemus, varie et diverse orte fuerint et adhuc verisimiliter oriri possent in futurum litium questiones, propter quas quedam^b rerum pericula, personarum incomoda et plures ex hoc lesiones nobis dispendiosius hactenus provenerunt. Nos itaque eius ducti consilio qui, ut pacem doceret, venit in terram pacificos quo que in dei filios sue divinitatis clemencia misericorditer adoptavit, habita super hoc debita consideracione, decrevimus sincere devo cionis obedienciam, debite subieccionis reverenciam in spiritu humili tatis et tranquillitate pacis eidem domino nostro domino Alberto epi scopo ipsiusque ecclesie Pataviensis tamquam matri et domine nostre, de cuius gremio viscerosa provisione dictum nostrum monasterium sumpsit exordium, grata promtitudine cum vicissitudine filiali, sicut nos teneri recognoscimus, continuatis vicibus exhibere, omnes domos proprias, redditus domorum qui vulgariter purkchrecht vel u^eberzins nunccupantur,^c ius fundi, mutas et theolonia, census domorum mac cellarum et institarum mensarum panum pannorum calcificum, ius Lati fori, servicium quod de mercibus in dicto Lato foro hactenus solvi etiam et exhiberi conswevit, tres domos circa molendinum quondam Staindlini et generaliter omnia iura extra terminos nostros infranotatos^d nullo penitus excepto, quocunque censeantur nomine et in quibuscunque consistant, que hactenus in civitate seu loco sancti Ypoliti habuimus et habere potuimus quovismodo, reservatis tamen nobis iuribus omnibus in terminis nostris subnotatis - in festo vero beati Ypoliti annuali tribus diebus ante et tribus diebus post ean dem festivitatem dicto domino nostro domino Alberto Pataviensi episcopo suisque successoribus ius theolonii eciam in omnibus nostris terminis recipere concedimus, theolonio lutifigulorum duntaxat ex cepto, qui nobis isto tempore, ut in aliis anni temporibus plenariter persolvatur - insuper unum molendinum extra muros opidi Sancti Ypoliti cum omnibus iuribus et pertinenciis suis, in quocumque con sistant, in quo ad presens Chunradus Chneppel residet, pro alio vero molendino in Arena cum suis terminis, unum talentum wiennensium denariorum in certis redditibus dicto domino nostro Pataviensi epi scopo suisque successoribus tradidimus, preterea augeam que Augea prepositi dicitur, cum arboribus lignetis et pascuis, sicut undique sepi distingwitur seu eciam designatur, cum pro hiis omnibus et sin gulis per dictum dominum, episcopum in proprietate quarundam^e possessionum et decimarum prope Sanctum Ypolitum debitam refu sionem satisfaccionem et recompensam recepimus, propria spontanea bona et libera voluntate, unanimi omnium nostrum ad hoc capitu lariter accedente consensu, in dictum dominum nostrum dominum Albertum Pataviensem episcopum et dictam suam ecclesiam irre vocabiliter transferimus sibique et sue ecclesie ex causis premissis tradimus et donamus, volentes omnia et singula supradicta cum omnibus usibus iuribus et fructibus, quemadmodum nos ipsa hucus que tenuimus possedimus et habuimus, pleno et integro aput dictum dominum nostrum dominum Albertum episcopum et ipsius ecclesiam Pataviensem iure proprietatis perpetuis futuris temporibus remanere, promittentes nos et successores nostros donacionem translacionem et tradicionem prefatas semper ratas gratas et firmas tenere pariter et habere ac contra eas non venire quomodolibet et quocumque tempore, in parte vel in toto, sed ea ab omni persona et in omni loco ac tempore defendere et tueri^f omni fraude et dolo semotis, quantum iure possumus et debemus, reservatis nobis solummodo domibus officiorum nostrorum, videlicet custodie camere hospitalis at que domo quondam* domini Andree Chrannesti in Foro lactis que* in duas domos est divisa, necnon Contrata claustrali cum omnibus domibus areis et habitacionibus intra eam infra subnotatos terminos constitutis, molendino domini Pataviensis retro nostrum hospitale constituto et curia que vulgariter Vronhof dicitur cum comodo consweto in nostro monasterio secundum tenorem suarum literarum duntaxat exceptis, que etiam ad dominum episcopum et ipsius Pataviensem ecclesiam pleno iure pertinent, quam eciam cum omnibus iuribus iudicis^g libertatibus et emunitatibus hactenus inibi habitis debemus inantea libere et absque impedimento quolibet quiete et pacifice possidere. Termini vero sive limites Contrate claustralis de qua premittitur sunt qui secun tur: primo transeundo de cimiterio ante cappellam beate Margarete et descendendo per vicum qui dicitur vulgo Chirichgäzzel a dextro latere, quod est prope pomerium nostrum, usque ad aciem domus que quondam fuit plebani de Sancto Leonhardo, et deinde directe usque ad murum civitatis; demum tota Contrata claustri ab utroque latere et transitus usque ad domum Tüchlini circa Predicatores exclu sive et ex opposito eiusdem in latere hospitalis usque ad aciem muri qui est per cimiterium circa cappellam hospitalis, que omnia ad nos ut premittitur pleno iure debent pertinere; demum domus^h seu possessiones ad Sanc tum Ypolitum nobis et ecclesie nostre extra terminos nostros testa mentabiliter legate per nos vendi debent et in alios usus ad nostram voluntatem et utilitatem infra anni spacium commutari, nisi de con sensu domini nostri Pataviensis episcopi vel sede vacante eius vene rabilis capituli nobis terminus vendicionis prorogetur. In quorum omnium et singulorum testimonium presentes appensione sigillorum nostrorum tradimus communitas. Datum aput Sanctum Ypolitum, proxima feria sexta ante festum dominice ascensionis, anno domini MCCCLX quinto.

Source Fulltext: LAMPEL, Urkunden Sanct Pölten (=FRA I, Wien 1981) S. 624-627