Ich Chunigund die alt richterinn von Sand Poelten und ich Caspar ier sun wier verjehen und tuen chunt allen den di den brief lesent^a oder hoernt lesen, di nu lebent und hernach chumftig sind, daz wier mit aller unser eriben guetem willen und gunst, mit verdachtem^b muet und mit unsers perchherren hant des erbern geist leichen herren prueder Albrechts ze den zeiten prior ze Aller hei ligental zu Moewrbach des ordens von Karthus recht und redlich verchouft haben unsern weingarten gelegen an dem Aychperg² und haizzt der Phaff ze naechst der geistleichen herren weingarten von Pawngarten perg, und da von man alle jar dient den^c herren ze Mawrbach einen emmer weins ze rechtem perchrecht und nicht mer. Den egenanten unsern weingarten haben wier verchouft und geben mit allen den nuetzen und rechten alz wier den unversprochenlich in perchrechts gewer herpracht haben, umb aecht und dreizzig phunt wienner phenning, der wier gar und ganz verricht und gewert sein, dem erbern herren* probst Ulreichen des gotzhaus datz Sand Poelten und dem convent gemain da selbs fuerbas ledichleich und freileich ze haben und allen irn frumen damit ze schaffen, verchoufen versetzen und geben wem si wellen an allen chrieg und ierrsal. Wier sein auch mit sampt unsern eriben unverschaidenlich des egenanten weingarten ier recht gewêr und scherm fuer alle ansprach, alz perchrechtes recht ist und des landes recht in Oesterreich. Get in fuerbas dar an icht ab mit recht oder ob si mit recht icht chriegs oder ansprach dar an gewunnen, von swem daz wer, das schullen wier in alles ausrichten ablegen und widercheren an all ier mue und auch an allen iern schaden, und schullen si das haben auf uns unverschaidenlich und auf allem unserm guet daz wier haben in dem land ze Oesterreich,* wier sein lebentig oder tod. Daz der chouf fuerbas also stet sei und unzebrochen beleib, und wenn wier selb nicht aigner insigel haben, daru^eber so geben wier in^d den brief ze einem offen uerchund und ze einer ewigen vestigung der sache versigelt mit des egenanten perchherren insigel prueder Albrechts ze den zeiten prior ze Aller heiligental ze Mourbach des Ordens von Karthus, den wier des vleizzichleich gepeten haben, daz er der sache gezeug ist mit dem insigel, daz in und den^e convent angehoert, in^d an allen schaden, und mit des erbern mannes insigel Pernolts des Chlingenfuerter, den wier des auch vleizzichleich gepeten haben, daz er der sache gezeug ist mit seinem insigel im selb an allen schaden. Darunder verpinden wier uns mit unsern trewn alles daz stёt ze haben^f daz vorgeschriben stet. Der brief ist geben* nach Christi gepu^erd dreuzehen hundert jar darnach in dem sechs und sechzigistem jar, des nachsten sampstags vor sand Angnesen^g tag.

Source Fulltext: LAMPEL, Urkunden Sanct Pölten (=FRA I, Wien 1981) S. 651-652