Ich Niclas der Pillung von Sand Giligenperg und ich Kathrey sein hausvrowe hern Wulfings selig tochter des Veyrtager und all unser eriben vergehen und tu^en chunt offenlich mit dem brief allen den die in sehent lesent oder ho^ernt lesen, di nu lebent und hernach chu^emftig sind, das wi^er mit gu^etleichern willen und mit wolbedachteni mu^et, zu der zeit do wi^er es mit recht wol getu^en mochten, recht und redlich verchouft haben die hernach geschriben gueter, di uns von hern Wulfingen dem Veyrtager sëlig, mein vorgenanten Kathrein vater, und von vrowen Chunntzen seiner hausvrowen meiner mu^eter anerstorben und gevallen sind: von erst unsers rechten ledigen vrein aigens unser haus gelegen ze Renhartzdorf auf der Pyelach und alles das daz zu dem selben haus geho^ert, es sei pau waid holz wismad paunga^erten urbar, ze veld und ze dorf, gestift und ungestift, versu^echt und unversu^echt, wie so das genant ist oder wo das gelegen ist; darnach unsern hof ze Chueningen auch mit aller seiner zu^egeho^erung ze veld und ze dorf, gestift und ungestift, wie das auch alles genant ist und wo das gelegen ist; darnach zwen weingerten, der ainer gelegen ist ze Reicherstorf und ainer under dem pirge ze Linteprunn; darnach alles das gu^et und gult, es sei phenning gelt oder ander gelt, und di^enst, wie der genant ist und wo der daselbs in Gravendorffer pharr und umb Wilhalmspu^erch gelegen ist, daz der egenant her Wulfing der Veyrtager und vrowe Chunntz sein hausvrowe gechouft habent oder wie das in i^er gewalt cho^emen ist und daz uns nu^e von in anerstorben ist; darnach so haben wi^er verchouft unsers rechten frein pu^erkchrechts, das wi^er gehabt haben von dem vrowenchloster ze Erlach chloster, unser mu^el gelegen ze Wenntendorf und alles das daz dar zu^e geho^ert, wie das auch alles genant und wo das gelegen ist, da von man jerleichen di^ent dem selben vrowen chloster vier und zehen schilling wienner phenning ze rechtem frein pu^eerchrecht und nicht mer; darnach so haben wi^er verchouft unsers rechten lehens, daz wi^er gehabt haben von dem hochwi^erdigen fu^ersten bischof Albrecht von Pazzowe, ainen zehent gelegen ze Wenntendorf und ainen zehent gelegen auf dem Pechsidel, auch mit alle di und dar zu^e geho^ert, gestift und ungestift, versu^echt und unversu^echt; darnach unsers rechten lehens, das wi^er gehabt haben von dem erwi^erdigen herren dem abpt ze Melkch, einen halben hof gelegen datz dem Chlainen Eberstorf und waz dar zu^e geho^ert, und unsers rechten frein pu^erchrechts daz wi^er von dem selben gotzhaus haben, ain holz gelegen pei Wilhalmspu^erch. Di vorgenanten gult und gu^eter alle und auch alle andrew gu^eter, wo wi^er di hinderhalb der Tu^enawe umb Renhartzdorf, umb Wilhalmspu^erch und anderswo gehabt haben, wie di genant und wo di gelegen sind, di uns von dem vorgenanten hern Wulfingen dem Veyrtager anerstorben sind, und auch alle di choufgu^eter di wi^er sider desselben hern Wulfings tod gechouft haben, mit allen eren nu^etzen und rechten alz wi^er di unversprochenleich in aigens pu^erchrechts und lehens gewer inngehabt und herpracht haben, haben wi^er verchouft und geben umb sechs hundert phunt wienner phenning, der wi^er ganz und gar verricht und gewert sein, den erwi^erdigen geistlichen hern hern U^elreichen dem Veyrtager probst des gotzhaus datz Sand Po^elten, seinem convent, seinem gotzhaus und allen i^ern nachko^emen fu^erbas ledichleichen und freileichen ze haben und allen i^ern frumen damit ze schaffen, verchoufen versetzen und geben wem si wellen, an allen chrieg und i^errsal; und sein auch wi^er ich obgenanter Nyclas der Pillung und ich Kathrey sein hausvrowe und all unser eriben unverschaidenlich der vorgenanten gu^elt und gu^eter aller i^er recht gewern und scherm fu^er alle ansprach, aigens als aigens recht ist, pu^erchrechts als pu^erchrechts recht ist, lehens alz lehens recht ist und des landes recht ze O^esterreich. Get in fu^erbas daran icht ab mit recht oder ob si mit recht icht chriegs oder ansprach dar an gewunnen, von wem das wêr, das schullen wi^er in alles ausrichten ablegen und widercheren an alle i^er mu^e und an allen i^ern schaden, und schullen auch si daz haben auf uns unverschaidenlich und auf allem unserm gu^et das wi^er haben in dem land ze Osterreich oder wo wi^er es haben, wi^er sein lebentig oder tod. Und das der chouf fu^erbas also stet und unzebrochen beleib, des ze u^erchu^end und zu einer ewigen vestigung der sache geben wi^er dem obgenanten gotzhaus datz Sand Po^elten den brief versigelten mit mein obgenanten Nyclas des Pillung² insigel und mit meiner pru^eder insigeln Pillungs des eltern und Pillungs des jungern von sand Giligenperg, und mit meiner sweger insigeln Chu^enrates und Jansens gepru^eder der Veyrtager, Nyclas des Froberger, Wernharts des Sweinworter, Otten und U^elreichs gepru^eder der Po^emer, U^elreichs des Pielacher, Hainreichs des Huglinger und Pernnolts des Chlingenfu^erter, di wi^er des vleizzichleich gepeten haben, daz si der sache gezeug sind mit i^ern insigeln; und verpind auch ich mich obgenante Kathrey hern Nyclas hausvrowe des Pillung fu^er mich und fu^er mein eriben mit meinen trewn an alles gever under di gegenbu^ertigen insigeln, alles das stet ze haben und ze laisten das vor an dem bri^ef geschriben ist, der geben ist datz Sand Po^elten, nach Christi gepu^erd dreuzehen hundert jare darnach in dem a^echt und sechzigistem jar, an dem heiligen oster tag.

Source Fulltext: LAMPEL, Urkunden Sanct Pölten (=FRA II, Wien 1901) S. 21-23