Ich Dietreich der Mau^esel und all mein erben vergehen offenlich mit dem brief allen den di in sehent ho^ernt oder lesent, die nu lebent und hernach chu^enftig sind, daz wir recht und redlich verchauft haben unseres rechten vreins aigens unseren halben hof gelegen in Grafendorffer pfarr, genant der Redelhof, den wi^er haben gen dem halben tail deselben^a hofs den Prawn von Rugendorf hat, mit alle die und zu^e dem^b selben unserm halben hof geho^ert ze velde und ze dorfe, gestift und ungestift, versuecht und unversuecht-, wie so daz genant ist oder wo daz gelegen ist, umb vier und zwainzg pfund wienner pfenning, der wi^er ganz und gar verricht und gewert sein, dem erwirdigen herren hern Ulreichen dem Veyrtager probst datz Sand Pölten und seinem convent daselbs fu^er was^c ledichlich und Treilich ze haben und allen ir und i^ers gotshauses frumen damit ze schaffen, versetzen verchaufen und geben wem si wellen an allen irsal, und sein wi^er des i^er recht gewern und scherm fu^er all ansprach, als aigens und des land.es recht ist in O^estreich. Get in fürwas dar an i^echt ab mit recht oder ob si mit recht icht chrieg oder ansprach daran gewu^ennen, von wem das wër, daz schullen wi^er in alles ausrichten ablegen und widercheren und schullen si daz haben auf uns und auf allen dem gu^et das wir haben in dem lande ze O^esterreich, wi^er sein lebentig oder tode. Des ze urchund gib ich Dietreich der Mau^esel den brief versigelten mit meinem insigel und mit hern Nyclasen des Peldung^d insigl, mit Otten des Pomers insigel² und mit Hainreichs des Huglinger^e3 insigel, di ich des vleizzichlich gepeten han, daz si der sach zeug sind mit irn insigln. Geben datz sand Polten, an deni Prehentag, nach Christs gepurde dreuzehen hundert jar darnach in dem ächt und sechzigisten jar.

Source Fulltext: LAMPEL, Urkunden Sanct Pölten (=FRA II, Wien 1901) S. 2-3