Ich Larentz der Redler von Gru^eb, ich Kathrey sein hausvrowe und all unser eriben vergehen und tu^en chunt allen den di den bri^ef an sehent oder ho^ernt lesen, di nu lebent und hernach chu^enftig sind, daz wi^er mit bedachtem mu^et und mit gesampter hant, ze der zeit do wi^er es mit recht wol getu^en machten, recht und redlich verchouft haben unsers rechten aigens di aigenschaft der nachgeschriben gu^eter: von erst unsers hofs ze Grueb in Hu^errben pharr, zehen schilling geltes auf zwain hofsteten daselbs, dreizzig phennig und fu^emfzehen aier geltes auf ainer mu^el da selbs und alles daz zu den selben guetern geho^ert, ez sei pau wismad oder holz ze veld und ze dorfe, gestift und ungestift, versu^echt und unversu^echt, wie das alles genant und wo daz gelegen ist. Dieselben aigenschaft der vorgenanten gu^eter und i^er zu^egeho^erung haben wi^er verchouft und aufgeben dem erwi^erdigen herren hern V^elreichen dem Veyrtager probst des gotzhaus datz Sand Po^elten umb aindlef phunt wienner phening, der wi^er genzleich verricht und gewert sein, so beschaidenlich daz wi^er diselben gu^eter und was dar zu^egeho^ert fu^erbas von im und seinem gotzhaus datz Sand Po^elten und von allen seinen nachko^emen ze rechtem lehen haben schullen und wellen, alz lehens recht ist in dem lande ze O^esterrich. Auch sein wi^er des i^er scherm und gewêr für alle ansprach. Get aber in dar an icht ab mit recht, daz schullen si haben auf uns und auf unserm gu^et wo wi^er daz haben, wi^er sein lebentig oder tod. Des ze u^erchund geb wi^er den brief versigelt mit meim obgenanten Larentzen des Redler insigel, mit meiner prueder insigel Niclas und Stephans der Redler und mit Albrechts des Zenndleins insigel, di der sach zeugen sind mit i^ern insigeln. Geben datz Sand Po^elten, an sand Jacobs tag, nach Christes gepu^erd dreuzehen hundert jar darnach in dem a^echt und sechzigistem jar.

Source Fulltext: LAMPEL, Urkunden Sanct Pölten (=FRA II, Wien 1901) S. 34-35