Ich Jacob von Jewching, ich Kathrey sein hausvrowe und all unser eriben vergehen und tu^en chunt offenlich mit dem brief allen den di in sehent ho^ernt oder lesent, di nu lebent und hernach chu^enftig sind, das uns di erwi^erdigen geistleichen herren her V^elreich der Veyrtager probst des gotzhaus datz Sandpo^elten und der convent gemainlich da selbs recht und redleich hin lazzen habent ewichleich i^ern weingarten genant der Altperkch, den tail ob des wegs von der mietstat^a unz hinauf an den Tawminger und unz hin umb an den Woller, gelegen datz Jewching in der Wochawe, also beschaidenlich daz wi^er den selben weingarten selb innehaben pawen nu^etzen und niezzen schullen und irem gotzhaus und allen i^ern nachko^emen jerlich da von dienen zwelif schilling wienner phenning an sand Merteins tag und. nicht mer, und schullen auch mit dem selben weingarten in allen den rechten di vor an dem gegenwu^ertigen bri^ef geschriben sind, und auch sunderlich mit i^er oder mit i^ers hofmaister ze Jewching handen willen und wizzen allen unsern frumen schaffen, verchoufen und geben wefn wi^er wellen, an all i^er irrung. Und zu ainer pezzerri sicherhait haben wi^er in und i^erm gotzhaus gesatzt unsern weingarten genant der Pu^erstinch gelegen in dem Muetsigel ze rechter ebentewr, da man jerleich von raichet Petrein von Pu^echel ze rechtem pu^erchrecht zwen phenning und nicht mer, so beschaidenleich: ob wi^er in di vorgenanten zwelf schilling phenning auf den vorgenanten sand Merten tag nicht jerleich dienten und ob in auch an dem vorgenanten irem weingarten genant der Altperkch icht abgieng, daz si daz auf der vorgenanten ebentewer unserm weingarten genant der Pu^erstinkch haben und des da von becho^emen schullen mit unserm gu^etleichem willen, wi in daz allerpest fueget. Get uns furbas an dem obgenanten i^erm weingarten genant der Altperkch icht ab mit recht oder ob wi^er mit recht icht chrieg oder ansprach dar an gewunnen, von wem daz wêr, das schullen si uns genzlich ablegen und wider cheren, und schullen wi^er daz haben datz in und auf allem i^erm gu^et daz zu i^erm gotzhaus geho^ert. Des ze u^erchund gib ich obgenanter Jacob von Jewching den bri^ef besigelten mit meinem insigel, mit hern Fridreichs insigel des Pybers ze den zeiten pu^erkgraf ze Tiernstain und richter in der Wochawe, und mit Chu^en-rats insigel des Flannder² von Wesendorf, di wi^er des vleizzichleich gepeten haben, daz si der sache zeugen sind mit i^ern insigeln. Geben nach Christi gepu^erd dreuzehen hundert jar darnach in dem a^echt und sechzigistem jar, an sand Jacobs tag.³

Source Fulltext: LAMPEL, Urkunden Sanct Pölten (=FRA II, Wien 1901) S. 32-34