Ich Chu^enrat von Sazz^a und all mein erben vergehen und tu^en chu^ent offenlich mit dem brief allen den di^e in sehent ho^ernt oder lesent, di^e nu lebent und hernach chünftig sind, daz wi^er recht und redlîch verchauft haben unsers rechten lehens, daz wi^er ze lehen gehabt haben von dein hochwi^erdigen fu^ersten bischof Albrecht von Pazzawe, ain lehenschaft und manschaft aines phu^ents wienner phenning gelts gelegen datz Sêben in Hu^erbêr pharr aüf ainer hofstat, daz Elspeth di^e Chelnêrinn zden zeiten von uns ze lehen hat, dieselbm^b manschaft und lehenschaft mit allen ern nu^etzen und rechten, als wi^er di unversprochenlich in lehens gewer herpracht haben, haben wi^er verchauft und geben umb dreu phunt wienner phenning, der wir gar und genzlich verricht und gewert sein, dem erwirdigen geistlichen herren hern Ulreichen probst datz sand Po^elten und seinem convent fu^erbas ledichlich und vreilich ze haben und allen i^er und i^ers gotshau^es frumen damit schaffen, verchaufen versetzen und geben wem si wellen an allen i^ersal; und sein der i^er recht gewërn und scherm fu^er alle ansprach, als lehenschaft und manschaft recht ist in dem lande ze O^esterreich. Get in fu^erbas dar an icht ab mit recht oder ob si mit recht icht chrieg oder ansprach dar an gewu^ennen, von wem daz wer, daz schullen wi^er in alles ausrichten ablegen und widerchern an all ir mu^ee und schaden, und su^ellen si daz haben datz uns und auf allen dem gu^et daz wir haben in dem lande ze O^esterreich, wir sein lebentig oder tod. Des ze urchund gib ich in den brief besigilten mit meinem insigil, mit hern Christans insigil des Stainer,² mit Christans insigil des Weichselpekchen und mit Albrechtes insigil des Zëndleins di^e wïr des vleizzichlich^c gepeten haben, daz si der sach zeu^egen sind mit irn insigilen. Geben datz sand Po^elten, nach Christi gepurd dreuzehen hundert jar darnach in dem ächt und sechzgistem jar, des suntags nach gotsleichnams tag.

Source Fulltext: LAMPEL, Urkunden Sanct Pölten (=FRA II, Wien 1901) S. 27-28