Ich Ulreich der Pyelahêr, ich Preid sein hausvrow, ich Symon, ich Jans und ich Stephan sein prueder di Pyelahêr und all unser erben vergehen und tu^en chu^ent offenlich mit dem brief allen den di in so^ehent^a ho^ernt oder lesent di nu lebent und hernach chünftig sind, daz wir mit gesampter hant mit unsrer aller erben guetem willen und gunst, zder zeit da wir es mit recht wol getu^en machten, recht und redlich verchauft haben unsers rechten ledigen vrei^en aigens di aigenschaft unsrer nachgeschriben gu^eeter und gult: von erst unsers hofs genant der Pyelachhof mit alle di und dar zu^e geho^ert ze veld und ze dorf, es sei pau^e waid wismad oder holts, gestift und ungestift, versuecht und unversu^eecht, wie daz alles genant ist und wo das gelegen ist; darnach unsers holtes genant an dem Tannâch und als unsers holtes daz wi^er daselbs haben; darnach unsers hofs ze Engleinstorf auch mit all di und darzu^e geho^ert, wie daz genant ist und wo daz gelegen ist, den unser vater Chu^enrat der Pyelahêr sêlig vrawen Annen unsrer steufmu^eeter fu^er vierzig phunt wienner phenning fu^er i^er margengab sersaczt hat, den wi^er obgenante pru^eder di Pyelahêr in fünf tail vormals getailt haben, also daz unser i^eglichem sein fu^enftail dar aus gevallen ist und ist auch unsrer swester Dorothen auch i^er fu^enftail dar aus gevallen — desselben unsrer swester tail haben wir nicht verchau^eft, wan di^e irn tail desselben hofs in aigens weise haben sol — und daselbs ze Engleinstorf ein halbs phunt wienner phenning geltes auf Ru^egers hofstat gelegen; darnach zehen schilling und ächt wienner phennig geltes gelegen auf ainem hof genant der Lainhof; darnach datz Mülhofen auf Dietreichs dez Chu^ellpen hofstat sechs schilling und na^ewn und zwainzig phenning geltes; daselbs auf Otten hofstat auf dem Pu^ehel fu^enf schilling zehen phenning geltes; darnach unser^b wis daselbs datz Mu^elhofen daz alles in Wilhalmspurgêr pharr gelegen ist, und alles das uberlend geltes daz wir haben umb Lüpperg auf weu das gelegen ist und wo das in derselben pharr gelegen ist; darnach unsern halben hof in der Edlitz und ze[hen schilling]^c und zehen phenning, sechzehen herbsthu^enr und vaschanghu^enr geltes di man järlich dient von hofsteten und u^eberlend in den vorgenanten halben hof [in der]^d Edlitz der uns anerstorben ist von Chu^enraten dem Ziervogel gelegen in Pischolfsteter pharr. Di obgenanten aigenschaft der vorgenanten unsrer gu^elt und gueter aller, mit all di und dar zu^e geho^ert, es sei pau^e wismad waid oder holtes, wie das genant ist und wo das gelegen ist, es sei gestift oder ungestift, versu^eecht oder unversu^echt, haben wi^er verchauft und geben umb sechs und dreizzich phunt wienner phenning, der wir gar und genzlich verricht und gewert sein und di wi^er unsrer swester Dorothen und dar zu^e vier phunt wienner phenning, darumb wir auch unsers erbs verchauft haben, gegeben haben fu^er all den eribtail, der sei von unserm vater Chunraten dem Pyelaher, Geyseln unsrer mueter und Chu^enraten dem Zi^eervogl sêligen anerstorben ist, dem erbern geistlichen herren hern Ulreichen dem Veyrtagêr probst dez gotshau^es datz sand Po^elten seinem convent seinem gotshau^es und all seinen nachko^emen, so beschaidenlich daz wir und all unser erben di vorgenanten gu^eeter und gült von in ze rechtem lehen als lehens und des landes recht ist in Österreich haben sullen und wellen, und sullen auch mit denselben gueter und gu^elten unsern fru^em schaffen, also daz all wandlung damit nu^er mit irr hant und gu^etem willem geschech und schu^ellen auch alle di^e, in der gewalt di obgenanten gu^eeter und gu^elt fu^erwas cho^ement oder becho^emen mo^echten, di auch von in ze lehen haben ze geleicher weise, als wi^er selb und als vorgeschriben stet. Auch su^ellen seu mit derselben aigenschaft und manschaft der vorgenanten gult und gu^eeter allen irn fru^emen schaffen, verchaufen versetzen und geben wem si wellen an allen chrieg und ïrsal; und sein wi^er des i^er recht gewern und scherm fu^er alleu ansprach als aigens und des landes recht ist in Österreich. Get in fu^erwas daran icht ab mit recht oder ob si mit recht icht chrieg oder ansprach dar an gewu^ennen, von wem daz wêr, daz su^ellen wir in genzlich ausrichten ablegen und widerchern, und sullen seu daz haben datz uns und au^ef allen dem gu^et daz wi^er haben in dem lande ze Österreich, wir sein lebentig oder tode; und wêr auch den brief innehat, der hat all di recht di vorgeschriben stent. Mit u^erchund des briefs versigilten mit unser obgenanten U^elreichs, Symons und Jansen gepru^eeder di Pyelahêr anhangunden insigilen und mit Stephans und Weykchartes pru^eder der Hordêr,^e Go^ergen von U^etendorf unsrer o^ehaim, Otten des Po^emer und Dietreichs des Mau^esleins² unsrer vreunt, anhangunden insigilen, die wi^er dez flizzichlich gepeten haben, daz si [der]^f sach zeu^egen sind mit irn insigilen; wand ich au^ech obgenanter Stephan der Pyelaher selb aigens insigils nicht enhet, so verpind ich mich mit meinen trewn ünder di gegenwu^ertigen insigil, allez daz genzlich sta^et ze haben und ze volfu^ern, daz vorgeschriben stet. Geben nach Christi gepurd dreuzehen hu^endert jar darnach in dem na^ewn und sechzgistem jare, an unser vrawen tag zder chundnu^ezz in der yasten.

Source Fulltext: LAMPEL, Urkunden Sanct Pölten (=FRA II, Wien 1901) S. 57-60