Ich Cholman der Seydmarspekch, ich Kathrey sein hausfrowe und ich Elspet sein swiger Chu^enrates des Chellner selig hausvrowe und all unser eriben vergehen und tu^en chunt offenlich mit dem brief allen den di in sehent ho^ernt oder lesent, di nu lebent und hernach chu^enftig sind. das wi^er mit aller unsrer eriben gu^etem willen und gunst, zu der zeit do wi^er es mit recht wol getu^en machten, recht und redlich verchouft haben ain phunt wienner phening geltes gelegen datz Seben auf ainer hofstat in Hurrber pharr, da Michel der Huzzannlaib auf gesezzen ist und daz wi^er ze rechtem pu^erkchrecht gehabt haben von dem gotzhaus datz Sandpo^elten, haben wi^er verchouft und geben umb zehen phunt wienner phening, der wi^er gar und genzlich verricht und gewert sein, dem erwi^erdigen geistlichen herren hern U^elreichen dem Veyrtager probst des gotzhaus datz Sandpo^elten, daz derselbe^a her U^elreich gechauft und gegeben hat den siechen und dem spital datz Sandpo^elten, also daz dazselb spital daz vorgenant phunt geltes innehaben nu^etzen und niezzen schol wie im daz aller pest fu^egt und nu^etzleich ist. Und sein wi^er des ich vorgenanter Cholman der Seydmarspekch, ich Kathrey sein hausvrowe und ich Elspet Chunrat des Chellner selig hausvrowe und all unser eriben i^er recht gewern und scherm fu^er all ansprach, als pu^erkchrechts recht ist und des landes recht in O^esterreich. Get in fu^erbas dar an icht ab mit recht oder ob^b si mit recht icht chrieg oder ansprach daran gewunnen, von wem daz wêr, daz schullen wi^er in genzlich ausrichten ablegen und widercheren, und schullen si daz haben datz uns und auf allen dem gu^et das wi^er haben in dem land ze O^esterreich oder wo wi^er daz haben, wi^er sein lebentig oder tod. Mit u^erchund des briefs besigelten mit mein obgenanten Cholman des Seydmarspekch insigel,² mit Jacobs insigel des Seydmarspekchen meines prueder, mit herrn Chu^enrats insigel von Sozz und mit Dietreichs insigel des Snaitpekchen, di wi^er des vleizzichleich gepeten haben, daz si der sache zeugen sind mit i^ern insigeln. Geben datz Sandpo^elten, nach Christi gepu^erd dreuzehen hundert jar darnach in dem newn und sechtzigistem jar, des sunntags in der ersten vastwochen.

Source Fulltext: LAMPEL, Urkunden Sanct Pölten (=FRA II, Wien 1901) S. 56-57