Wir U^olreich von gots genaden probst, Christoffer techent und der ganz convent des gotshaus datz Sand Pölten vergehen und tu^en chu^ent offenlich mit dem brïef fu^er uns und unser nachko^emen und unser obgenant gotshaus allen den di den brïef an sehent etc.,² daz wi^er den erbern herren hern Heinrich von Volkchenstorf zden zeiten chorherr ze Pazzawe und pharrer ze Hu^erben und derselben seiner chirchen ze Hu^erben mit veraintem rat und mit volliger betrachtung ledichlich und willichlich gegeben und ewichlich gemacht haben und geben au^ech im den brief umb dritthalb phunt und dreizzig * phening geltes gelegen * ze Hu^erben und all unser manschaft in demselben dorf, di wi^er von dem Sazzer gechau^eft haben und alles daz das wi^er ze Hurben gehabt haben; * dieselben gu^elt und manschaft geben wi^er in in aigens weise aus unsrer gewer in di seinn und verzeihen uns der ewichlich an gevêr; und haben im di geben fu^er den drittail des zehentes ze Inning und fu^er den chlainn zehent daselbs, di zu^e dem gotshau^es ze Hürben geho^ert habent und di uns fu^er di obgenanten * gu^elt und manschaft sind, als di brief sagent di uns und unserm gotshau^es darumb gegeben sind.³ Waz auch das obgenant gotshaus ze Hu^erben oder dem pharrer daselbs fürwas chrieg oder sto^ezz von der obgenanten gu^elt und manschaft an gieng, di süllen wi^er in richtig machen und au^estragen an allen irn schaden. Daruber geben wi^er in den brief besigilten mit unsern zwain grozzen anhangunden insigilen. Datum anno domini M^oCCC^moLXVIIII^o, in die sancti Erhardi episcopi.

Source Fulltext: LAMPEL, Urkunden Sanct Pölten (=FRA II, Wien 1901) S. 52