Wir probst Hans des gotshaus datz Sand Po^elten, ich Niclas techant und wir der ganz convent gemain daselbs, wir vergehen und tun chunt offenlich alle den di den brief sehent lesent oder ho^erent lesen, di nu lebent und hernach chu^enftig sind, umb unsern weinzehent gelegen ze Lewbm zwischen Stayn und Tyrnstein, den wir versatzt heten Mêndlein von Pielach umb drew hundert phunt wienner phening und den wi^er von demselben Mêndlein wider mit drin hundert phunden geledigt und gelo^est haben, das uns der erbêr herr her Lewpolt di zeit pharrer ze Paden derselben dreir hundert phunt zwai hundert phunt phening durch trew und durch gu^et gelihen hat; und darumb so haben wi^er uns gegen demselben hern Lewpolden verlu^ebt und verpunden, verloben und verpinden^a uns gen im mit dem brief, das er daz gegenbu^ertig jar die nu^etz desselben weinzehent's^b geleich halb vessen sol und wir halb; und wenn her Lewpold denn in dern jar das mag tu^en, so sol er uns hundert phunt her zu^e geben und su^ellen im denn denselbm^c weinzehent ze stet nach hern Lewtoltes^d rat di zeit pharrer datz Sand Po^elten ze einem leibgeding nu^er ze desselben hern Lewpoltes lebtagen verschriben fu^er dieselben dreu hundert phunt phening daz im und uns gu^etlich und pilleich sei. Wêr aber daz wi^er dar an sto^ezzig wu^erden und uns ze baiderseit darumb miteinander nicht gesammen mochten, so sullen wi^er im des nachsten mêneds nach sand Jacobs tag der nu schirist chu^embt di egenanten zwai hundert phunt phening unverzogenlich widergeben. Tu^en wi^er des nicht, swas er derselben zwair hundert phunt denn nach demselben mênêd schaden nimpt an christen oder an juden oder wie der schad genant ist, den er bei seinen trewn^e ungeswaren gesagen mag, denselben schaden zu^e sampt dem haubgu^et sullen wi^er im mit gutem willen an furbot und an chlag genzlich ablegen und widerchern und sol er daz haben auf uns unverschaidenlich und auf allem unserm gu^et, daz wir haben in dem lande ze Osterreich, daz zu dem egenanten unserm gotshaus geho^ert. Wir verpinden auch uns gen im mit dem brief, wer uns mit seinem willen mit dem brief mant daz wi^er demselbm^f sullen alles gepunden sein ze laisten und ze volfu^ern ze geleiher weise als im selb, und auch in allen den rechten als vorgeschriben ist. Datum anno LXX^mo etc.^g feria secunda post diem sancti Jacobi apostoli.

Source Fulltext: LAMPEL, Urkunden Sanct Pölten (=FRA II, Wien 1901) S. 88-89