Ich V^elreich, ich Symon, ich Jans, ich Stephan pru^eder di Pyelaher und all unser eriben vergehen und tu^en chunt offenlich mit dem bri^ef allen den di in sehent ho^ernt oder lesent, di nu lebent oder hernach chu^enftig sind, daz wi^er mit wolbedachtem mu^et mit guetem willen, z'der zeit da wi^er es mit recht wol getu^en mochten, recht und redlich verchou^eft haben unsers rechten lehens das wi^er ze lehen gehabt haben von dem erbern herren hern Johannsen probst datz Sand Po^elten und von dem selben seinem gotzhaus: von erst zwen und neun schilling wienner phenning geltes auf vi^er hofsteten behauster gueter und gestifter holden gelegen in Pischolfsteter pharr in der Edlitz, di Peter Pillgreim und Seyfrid innhabent; darnach den halben tail ainer ganzen hofstat daselbs in der Edlitz und auch dar zu^e alles das pau waid holz und wismad das darzue geho^ert oder waz dar zu^e geho^ert, darnach da selbs sibenthalben phenning geltes auf ainem akcher, wann di vorgenanten gu^eter nu^er halbe unser sind und halbe Go^erigen des V^etendorffer chinder‚ di Herman der Zi^ervogel innehat, di auf i^erm tail nu^er alz vil gelts habent als vorgeschriben stet und alz wi^er dar auf gehabt haben; darnach so haben wi^er verchouft di aigenschaft aines akcher den Dietreich im lehen innhat, dar auf wi^er vi^er phenning geltes haben. Di selben gu^elt und gu^eter und was dar zu^e geho^ert ze veld und ze dorf, gestift und ungestift, versu^echt oder unversu^echt, wie das genant ist und wo das gelegen ist, haben wi^er verchouft und geben umb zwainzig phunt wienner phenning, der wi^er gar und genzlich verricht und gewert sein, dem egenanten hern Johannsen probst datz Sand Po^elten, seinem convent, seinem gotzhaus und allen seinen nachko^emen fu^erbas ledichleich und vreileich ze haben und allen i^ern frumen damit schaffen, verchoufen versetzen oder geben wem si wellen an allen chrieg und i^errsal; und sein wi^er des i^er recht gewern und scherm fu^er alle ansprach, als lehens und des landes recht ist in O^esterreich. Get in fu^erbas daran icht ab mit recht, oder ob si mit recht icht chrieg oder ansprach daran gewunnen, von wem das wêr, das schullen wi^er in genzleich gelten ablegen und widercheren an allen i^ern schaden, und schullen sew das haben datz uns unverschaidenlich und auf allen dem gu^et das wi^er haben oder noch gewinnen in dem land ze O^esterreich, wi^er sein lebentig oder tode. Des ze u^erchund geben wi^er ich obgenanter U^elreich. Symon, Jans, wi^er drei prueder di Pyelacher den bri^ef besigelten mit unsern insigeln. Der sache ist gezeug Stephan und Weikchart prueder di Horder mit i^ern insigeln, und Herman der Zierfogel auch mit seinem insigel, di wi^er darumb vleizzichleich^a gepeten haben, das si der sache zeugen sind mit i^ern insigeln. Wand ich obgenanter Stephan der Pielaher selb aigens insigels nicht enhet, so verpind ich mich mit meinen trewn under di gegenwu^ertigen insigel, alles das stët ze^b haben das vorgeschriben stet. Geben nach Christi gepu^erde dreuzehen hundert jar darnach in dem sibenzigistem jar, des freitags nach^c sand Michels tag.

Source Fulltext: LAMPEL, Urkunden Sanct Pölten (=FRA II, Wien 1901) S. 93-95