Wir Johanns probst, Niclas techant und der convent gemaindlich der chorherren des gotshauses ze Sanct Po^elten sand Augustins orden in Pazzawer bistum bechennen und tün chunt offenlich mit disem brief allen den die in sehent lesent oder hörnt lesen nu und hienach in chu^enftigen zeiten, als der weise man maister Albrecht pharrer ze Gors * der hochgebornen fürsten unserr lieben genedigen herren * der herzogen ze Österreich pu^echarzat durch seiner sel hailes willen und durch merunge willen christlichen lere und chunst gestiftet und geordenet hat, daz in ainem hause gelegen ze Wienn in der Kerndêr strazze zwischen hern Thomans haus des chorherren datz Sand Stephan ze Wienn und zwischen Wernharts haus dez Fuetrêr und gegen hern Jacob über von Sunnwerkch drei sublectores und ain student unsers chlosters und * ordens * ewikchlich sein süllen, dieselben sublectores in der universitêt und gefreiten schu^el ze Wienn stêtikchlich lesen und leren süllen, daz wir und all unser nachko^emen ewikchlich zu derselben stiftunge alle jar den vorgenanten drein sublectoren und dem studenten * raihen und geben su^ellen vïr und zwainzig phunt wienner phennig^a von allen den gu^etern und gu^elten die wir und unser gotzhaus i^etzund haben oder^b fürbas gewinnen, wa die gelegen und wie die genannt sind, und su^ellen die antwu^erten gen Wienn zu den vir quatembern in dem jare; daz wirt ir i^eglichem zu ainer quatternber zwelf schilling phennig. Und darumbe hat uns und unserm gotshaus der egenant maister Albrecht gegeben fumf phunt wienner phenning gelts auf behausten und gestiften gu^etern; so hat er uns * gegeben dreu hundert phunt und vi^er phunt wienner phenning an beraitem gelt, die in unser und unsers gotshaus grozzeu notdu^erft und scheinbêrer nu^etz genzlich becheret sind; und davon mit willen, gunst und bewêrunge des erwirdigen unsers lieben herren und vaters hern Albrechten bischof ze Pazzawe geloben wi^er fur uns und unser nachko^emen und in namen unsers gotshaus die egenanten vir und zwainzig phunt phenning jêrlich ze richten den vorgenanten drin sublectoren und dem studentn, als davor geschrieben stet ane alle widerred verziehung^c und geverde. Wêr aber das wi^er oder unser nachko^emen die sechs phunt phening verzu^egen ze geben zu dhainer quattember in dem jâre, so sol und mag * der egenant maister Albrecht, die weil er lebt und nach seinem tode ein probst dacz Sanct Stephan ze Wienn und ein obrister schulmaister daselbs, welhe die ie zu den zeiten sind, die sechs phunt oder was danne versezzen wu^erde nemen und ausgewinnen ze christen oder ze juden auf unsern und^d unsers gotshaus schaden, denselben schaden auch wi^er und unser gotshaus mit sampt dem gelte daz wir danne versezzen hetten, richten und wern su^ellen an all widerrede und gevêrde. Têten wir aber des nicht und daz auch verzu^egen oder des wider zein wolten, so su^ellent unser egenanten herren von O^esterreich oder ir lantmarschalich uns dar zu^e halten und no^etten, wenne si darumb gevordert werdent von dem egenanten maister Albrecht oder ob er nicht wêre von dem probste daz Sand Stephan ze Wienn und * dem schulmaister daselbs. Geschêch 649 aber das die schul * und die universitet ze Wienn in der mazze abnême daz chain sublector da wêre, so su^ellen wir den egenanten zins zu^e ieder quattember datz Wienn niderlegen und dasselb gelt der obgenannten stift und ordenung^e zu^e nütz chern * nach willen und geschefte des obgenanten maister Albrecht oder, ob er nicht wêre, dannoch so sol daz egenant gelt nider gelegt werden zu^e ieglicher quattember und darnach derselben stift und ordenunge ze nu^etz bechert und angelegt werden nach unser und unserr nachko^emen und ains probsts und ains schulmaisters datz Sand Stephan ze Wienn, wer die denne sind, rat und verainunge. Es sol auch der vorgenant maister Albrecht di drei sublectores erwelen antwu^erten und * geben nach seinem willen, die weil er lebt, aber nach seinem tode su^ellen ein probst und ein obrister schu^elmaister ze Sand Stephan ze Wienn zwen sublectores erwelen und geben, die si zu der schu^el nu^etz und gu^et dunkchet und di pesten die si danne gehaben mo^egent ane gevêrde; und den dritten sublectoren su^ellen wir oder unser nachko^emen erwelen und antwu^erten dem probst und dem schu^elmaister datz Sand Stephan ze Wienn; und di sullent in denne insetzen zu den andern, ob er si nu^etz und gu^et dunkchet. Were aber daz er in misse vi^el und si dar zu unnutz^f dau^echte, so mu^egen si einen andern an sein stat nemen, der si gu^et und vervankchlich^g dunkchet ane gevêrde; und derselb dritt sublector, er sei von uns oder von dem probste und dem schu^elmaister ze Wienn erwelt und geno^emen, sol den studenten unsers ordens, der danne in der egenanten stift ist, mit lere innhaben und besorgen vlizziglich^h mit trewn ane widerred und gevêrde**; und zu^e urchund sicherhait und ewiger gezeugnu^ezz dieser ordenung und daz auch wir gënzlich laisten und volfu^ern alles das daz davor von geschriben stet, haben wir fu^er uns und all unser nachkomen, die wi^er auch chreftichlich dar zu^e binden, wir obgenanter Johann probst dacz Sand Polten * * und der convent daselbs den brief versigelt mit unsern zwain anhangunden insigeln**. Datum in die sancti Cholomanni. anno LXX^mo etc.ⁱ

Source Fulltext: LAMPEL, Urkunden Sanct Pölten (=FRA II, Wien 1901) S. 97-99