Ich Wu^elfing und ich Mertt gepru^eder von Plankenstain vergehen offenlich mit dem brief umb die gu^eter dacz Jewttendorf, die wir verchauft und geben haben den erwirdigen geistlichen herren hern Lewtolden probst und dem goczhaüs ze Sand Pölten, alz der chaufbrief sagt den wir in geben haben, daz wir in an denselben chaufbrief pringen sullen unsers vettern insigl Jannsen von Plankchenstain zü zeugnu^ezz zwischen hinn und dem chünftigen sand Jörgen tag.^a Mo^echten wir aber desselben unsers vettern insigl^b an den egenanten chaufbrief nicht pringen in derselben^c zeit an gevërde, wenn si uns danne darnach vodernt und manent^d in unsern vesten ze Plankchenstain oder ze Pyelach, so su^ellen wir ze hant nach der manung^e inner âcht tagen gen sand Pölten in die stat pringen hern Marcharten von Tyrnstain und hern Marcharten den Haüslër von Seserndorf, und sullen danne di obgenanten her Lewtolt probst und der convent ze sand Po^elten pringen Pernolten den^f Chlingenfürter, und waz dann dieselben drei erchennent und ervindent, daz daz obgenant goczhaus fürbaz mit dem egenanten chaufbrif besorgt werde nach dez landes recht in Österreich, und waz di dann erfindent darnach sullen wir in ausrichten und volpringen. Wêr aber daz wir in di obgenant zwen hern Marcharten von Tyrnstain und hern Marcharten den Haüslër gen Sand Pölten nicht prëchten oder daz nicht stët^g hielten, daz di^e egenanten drei sprëchen und erfu^enden daz di obgenanten herren mit dem chaufbrief nicht wol besorgt wu^erden, welhen si dann ünder uns baiden ainen vodernt und mannt, der sol in an^h all widerred ze hant ainen erbern diener selb andern mit zwaien phërftenⁱ an sein stat senden gen Sand Po^elten in ein erber gasthau^es, wo si uns hin zaigent; der sol da laisten und innligen nach dez landez recht ze Österreich‚ so long^k unz daz wir allez daz^l volpringen und stêt^m haben daz vor geschriben stet. Wurd aber in laistung von uns verzogen, allen den schaden den si dez nemen, sullen wir in genzlich widerchern und sullen si daz haben daz uns und auf allen dem güt daz wir oder unser erben habent, wir sein lebentig oder tode. Wërⁿ auch daz wir der obgenanten dreir spru^echlau^et ainen gen Sand Po^elten nicht pringen mo^echten, daz uns der abgieng, so mügen und sullen di zwen ainen andern zu^e in genemen an sein stat, wen si wellent, und sullen dann dieselben drei alle di sach au^esrichten ze geleiher^o weise als vorgeschriben stet. Mit urchund dez briefs besigilten mit unsern insigelen;² der sach ist zeu^eg der obgenant her Marchart der Hau^esler mit seinen^p insigl.³ Geben nach Christi gepu^erde tausent dreu^ehundert jar darnach in dem fu^emf und sibenzkistem jare, an sand Mathias tag^q des heiligen zwelfpoten.

Source Fulltext: LAMPEL, Urkunden Sanct Pölten (=FRA II, Wien 1901) S. 158-160