Ich Ott der Syernikchêr und all mein erben vergehen offenlich mit dem brief allen den di^e in sehent ho^ernt oder lesent, di nu lebent und hernach chu^enftig sind, daz wir recht und redlich verchauft haben sechs schilling wiennêr phenning geltes, di gelegen sind dacz Veylndorf au^ef dreizzikch jeucharten akchers u^eberlendes auf i^eder jeu^echart sechs phenning, di man jerlich dient an sand Michels tag: von erst Ulrich von Ru^eczestorf von zwelf jeu^echarten zwen und sibenzig phennig, Michel daselbs von siben jeu^echarten zwen und virzig phennig Fridreich von Ru^eczestorf von drin jeucharten achzehen phennig, Stephan Lechner^a von vi^er jeucharten vi^er und zwainzig phennig und Chu^enrat von Sawdorf von vi^er jeucharten vi^er und zwainzig phening, daz wir ze lehen in wechsels weise von unserm genêdigen herren hern Leu^etolden probst und dem goczhaus ze Sandpo^elten gehabt haben; di obgenanten sechs schilling wienner phennig geltes haben wir dem egenanten hern Leu^etolten probst und dem convent ze Sandpo^elten verchaüft in ir zeche umb aindlef phunt wienner phennig, der wir von in genzlich verricht und gewert sein, so beschaidenlich daz si fu^erbas mit den obgenanten sechs schilling gelts allen irn fru^em schaffen su^ellen, verchau^efen verseczen und geben wem si wellen an allen irsal. Und sein wi^er dez ir recht gewern und scherm fu^er all ansprach, als lehens recht ist in purchrechs^b weise und dez landes recht in Osterreich; get in aber daran icht ab mit recht, daz süllen si haben dacz uns und auf all dem gu^et, daz wi^er haben in dem lande ze O^esterreich, wir sein lebentig oder tode. Mit u^erchund des briefs besiglten mit meinem insigl; und der sach ist gezeu^eg Veyt der Sîernikchêr mein vetter. Geben nach Christi gepu^erde dreu^ezehenhundert jar und darnach in dem sechs und sibenzkistem jare, an sampztag nach sand Augustines tag.

Source Fulltext: LAMPEL, Urkunden Sanct Pölten (=FRA II, Wien 1901) S. 179-180