Ich Seyfrid der Sporennranft von Rechperch und ich Kathrey sein hausvrow wir vergehen . . . das wir fu^erbas ewichleich alle jar jerlich dienen und reichen schullen dem erbern vesten ritter, hern Vlreichen dem Neidekker di zeit pu^erkraf ze Chrems etc. Dor u^eber so geben wir in den brief . . . versigelten mit mein aigen anhangunden insigel¹ und mit des vorgenanten pu^erchherren Jansen des Peringer di zeit pu^erkraf ze Rechperg² anhangunden insigel und mit meins schwecher Nicla Rüdolfen von Senftenberch³ insigel .... Der brief ist geben nach Christi geburd dreuzehen hundert jar dar nach in dem sechs und sibenzigistem jar, an sand Jacobs tag des heiligen zwelifpoten in dem snit.

Source Fulltext: LAMPEL, Urkunden Sanct Pölten (=FRA II, Wien 1901) S. 176