Ich [Chunrat der Hierzz von Prunn]^a und ich Angnes sein hausfrow und all unser erben wir vergehen an dem prief, daz [wir mit] gu^eten [willen, mit verdachtem mütt und mit] gesampter hant, ze der zeit da wi^er es mit recht wol getu^en [mochten, mit] des [permaister hant Ruegeren des Waldner] ze Perchtolczstorf ze den [zeiten pergmaister] des erbern mans hern [Niclas des Stainer purger ze Wienne, recht und redleich verchauft haben] einen [weingarten] des zwai [rehel ist gelegen pei Perchtolczstorf in der Sumerhagnaw zenechst Cristans weingarten] des Chrewzzen, do man von dem egenanten [weingarten alle jarr dint dem vorgenanten Niclasen dem Stainer einen] emmer weins ze perchrecht und einen wienner [phenning ze voitrecht und nicht mer, denselben egenanten] weingarten haben wir verchauft und geben mit allen dem nutz und [rechten als wir den] unversprochenleich in perchrechts gewer her pracht haben und alz ouch der mit alter herchomen ist, umb [subenzehen] phunt phenning und umb drei schilling phenning wienner munezz, der wi^er ganz und gar verricht und gewert sein, dem [erbern mann] Dyetreychen dem Pekchen von Sannd Pölten und Christein seiner hausfrown und i^er paider erben furbas [ledichleich und] freileich ze haben und [allen]^b iren frumen damit ze schaffen, verkaufen verseczen und geben wem sew wellen, an allen chrieg und i^errsal. Und sein ouch wir ich obgenanter Chu^enrat der Hierzz und ich Angnes sein hausfrow mitsampt allen unsern erben unverschaidenleich des egenanten weingartn des vorgenanten Dyetreychen des Pekchen und Christein seiner housfrawn und i^er paider erben i^er recht gewer und scherme fu^er alle ansprach, alz chaufs^c und përchrechts [recht ist und] des landes recht in [Österreich; wêr] aber daz sew fürbas mit recht icht chriegs oder ansprach daran gewunnen, von wem daz [wer,] daz schullen wir inn genzleich ausrichten und widerchern an allen iren schaden, und sullen sew daz haben auf uns [unverschaidenleich] und auf alle dem gu^et das wi^er haben in dem lande ze O^esterreich oder wo wi^er es haben, [wir sein lembtig oder tod. Und das der] chau^ef fu^erbaz stêt und unzebrochen peleib und wann wi^er selb aigens insigel [nicht haben, darumb so geben wir inn den] prief ze einem offenn ürchunt der sach versigelten mit des përchherren [insigl des obgenanten erbern mans Niclas] des [Stainer purger] ze Wienne² und mit des erbern mans insigl Larenczs [dez Scharrer ze den zeiten judenrichter ze Perchtolczstorf, den wir] des vleizzichleich^d haben gepetten, das er der sach gezeug ist mit seinem insigl³ im an schaden. Der prief ist geben nach Christs gepurt dreuzehenhundert jar darnach in dem siben und sibenzigisten jar, des suntags in der vasten alz man singet Letare.

Source Fulltext: LAMPEL, Urkunden Sanct Pölten (=FRA II, Wien 1901) S. 188-189