Wïr Albrecht von gotes gnaden^a herzog ze Österreich ze Steyr ze Kernden und ze Krain, graf^b ze Tirol etc. bekennen und tuen kunt offenlich mit dem briefe, daz wïr angesehen und aigenlichen^c betracht haben die grossen^d gebresten die daz erber goczhaus ze Sand Pölten iecz lang zeit gehabt hat von grozzer^e gastung wegen, davon dasselb goczhaus in grosse geltschuld chomen ist, und haben auch betrachtet wie alle goczhaeuser in Osterreich zü dem maisten tail von unsern vordern fursten in Osterreich und auch von uns mit salz begnadet sind, alain^f das goczhaus nicht^g ze^h Sand Pölten. Und darumb und auch durch unserr vordern und unserr selen trost und hail willen und auch sunderlich in eren unserr frawen sand Marien und des heiligen martrer sand Poltenⁱ haben wïr demselben goczhaus ze Sand Polten^k gegeben und geben auch wissentlichen^l mit dem prief ain halbs phunt füder^m salz, also daz si das ze Gmunden alïe jar ewichleichenⁿ nemen und daz in dreiling stozzen^o mügen und daz selb salz alle jar an maut hindernüzz und irrung von Gmunden unz gen Sand Polten füren sullen, in aller mazz^p alz ander^q chloster in Osterreich. Und darumb gebieten wïr unsern amptleüten ze Gmunden wellich die ie zu den zeiten da sind, allen unsern herren rittern und knechten, pürgrafen richtern, mautern und allen andern unsern amptleüten und undertann, und wellen daz si dem probst und dem capitel dacz Sand Polten alle^r jar daz egenant salz an all maut irrung und hindernuzz in ïr goczhaus gen Sand Polten^s furen lassen, in aller mazze^t alz si daz andern klostern in Osterreieh tünd^u an widerred, und in auch kain beswerung daran tün noch ieman tün lassen in dhain weg. Die vorgenanten der probst und daz capitel ze Sand Polten welich die ie zu den zeiten sind, sullen uns auch von der egenanten gnad wegen alle jar inner den acht tagen unser frawen hochzeit zu der schidung ainen tage in eren unserr frawn mit vesper metten und ampt begeen hochzeitleich, in aller mazz^v alz si daz gewonleich^w an unserr frawn tag zu der schidung tünt. Mit ürchund dicz brieves geben ze Amsteten, an eritag^x vor sand Symons und sand Judas tag, nach Krists^y gepu^erd dreuzehen hundert jar und darnach in dem fumf und achzigisten jar.^z

Source Fulltext: LAMPEL, Urkunden Sanct Pölten (=FRA II, Wien 1901) S. 273-274