Wi^er Gorig von gottes genaden pischove ze Passaw thun khund, das wi^er unserm getrewen Maindlein^a von Welmingkh die zeit unserm richter zu Mautorn und seinen erben zu rechtem lehen verlichen haben und verleichen auch mit craft ditz briefs ain halb phunt phenning gelts am Schrattenperg, ze Osternperg und ze Grueb und das recht in dem Suendelperg, was wi^er inn daron ze recht leihen sollen, das alles von uns und unserm gotshaus ze Passaw lehen ist. Wier sein auch des sein herr und scherm, als lehens recht ist und des landes recht ist ze Osterreich. Mit urkhund des briefs besigeltn mit unserm anhangunden insigel, geben in unser stat Mautorn daselbs. am nagsten freitag nach sand Dorothee tag, nach Christi gepurd 1390^ten jar.

Source Fulltext: LAMPEL, Urkunden Sanct Pölten (=FRA II, Wien 1901) S. 319-320