Bonifacius episcopus servus servorurn dei venerabili fratri n^a episcopo Pataviensi salutem et apostolicam benedictionem. Exposcit devocionis sinceritas, quam dilecti filii prepositus et conventus monasterii sancti Ypoliti, ordinis sancti Augustini, Pataviensis diocesis, ad nos et Romanam gerunt ecclesiam et eorum religionis promeretur honestas, ut tam ipsos, quos speciali dilectione^b prosequimur, quam dictum^c eorum monasterium dignis honoribus attollamus. Hinc est quod nos eorum in hac parte suplicacionibus inclinati fraternitati tue‚ de qua gerimus in domino fiduciam specialem, per apostolica scripta committimus et mandamus, quatinus^d diligenter te informes‚ utrum alii prepositi monasteriorum illarum parcium utantur mitra et anulo ac aliis pontificalibus insigniis; et si per informacionem huiusmodi repereris,^e quod predictis^f prepositi eorundem monasteriorum mitra et anulo ac aliis insigniis huiusmodi utantur, prefatis preposito et conventui monasterii sancti Ypoliti auctoritate apostolica de speciali gracia concedas, quod idem prepositus monasterii^g sancti Ypoliti qui nunc est, et successores sui prepositi^h eiusdem monasterii qui pro tempore fuerint, mitra el anulo ac aliis pontificalibus insigniis libere uti possint, necnon in eodem monasterio sancti Ypoliti et in prioratibus eidem monasterio subiectis ac parrochialibus et aliis ecclesiis ad ipsos prepositum et conventum communiter vel divisim pertinentibus, quamvis eis pleno iure non subsint, benediccionem sollempnemⁱ post missarum vesperarum^j et matutinarum sollemnia, dummodo in benediccione huiusmodi aliquis antistes vel apostolice sedis legatus presens non fuerit, elargiri possint, felicis recordacionis Alexandri pape quarti^k predecessoris nostri que incipit Abbates, et aliis constitutionibus apostolicis in contrarium editis non obstantibus quibuscunque. Datum Rome, apud Sanctum Petrum, V. kal. aprilis, pontificatus nostri anno quinto.

Source Fulltext: LAMPEL, Urkunden Sanct Pölten (=FRA II, Wien 1901) S. 361-362