Georius dei et apostolice sedis gracia episcopus Pataviensis executor seu commissarius unicus ad infrascripta ab eadem sede^a specialiter deputatus universis et singulis presentes litteras inspecturis et specialiter quorum interest vel intererit quomodolibet in futurum, salutem in domino et subscripta diligenter attendere. Noveritis^b nos litteras sanctissimi^c in Christo patris domini nostri^d domini Bonifacii divina providencia pape noni eius vera bulla plumbea in filis sericis^e more Romane curie bullatas non rasas non abolitas non viciatas nec in^f aliqua sui parte suspectas, sed prorsus omni suspicione et vicio^g carentes, nobis per venerabilem fratrem nobis in Christo dilectum Gerungum prepositum monasterii sancti Ypoliti canonicorum regularium ordinis sancti Augustini nostre diocesis suo et conventus sui ac dicti monasterii nomine^h presentatas, cum ea qua decuit reverencia recepisse per omnia inⁱ hec verba:³||
Quarum quidem litterarum apostolicarum vigore predictus dominus Gerungus prepositus nomine quo supra nobis humiliter supplicavit, quatinus^j ad executionem earundem^k litterarum apostolicarum^l et contentorum in eis procedere dignaremur. Nos igitur, mandatis apostolicis supradictis humiliter obedire ut tenemur, ac eciam peticionibus predicti prepositi racionabiliter moti‚ quantum in nobis est annuere volentes, iuxta formam dictarum litterarum apostolicarum recepimus informaciones fide dignorum testium coram nobis super hoc productorum et iuratorum et per nos diligenter examinatorum. Et quia per diligentem informacionem per^m nos ex dictis testiumⁿ predictorum super hoc clare deponencium quam eciam experiencia clara et manifesta didicimus et recepimus, quod nonnulli prepositi monasteriorum harum parcium tam^o provincie Salczburgensis quam eciam eiusdem Salczburgensis et nostre diocesium^p immediate se contingencium eiusdem provincie Salczburgensis mitra et anulo ac allis pontificalibus insigniis huiusmodi utuntur. Quare vigore et auctoritate^q apostolica et predictarum litterarum apostolicarum qua fungimur in||
hac parte, prefatis^r preposito et conventui monasterii^s sancti Ypoliti auctoritate^t apostolica de speciali gracia concessimus ac eciam concedimus^u per presentes,^v quod idem prepositus monasterii sancti Ypoliti qui nunc est, et successores sui prepositi eiusdem monasterii qui pro tempore fuerint, imperpetuum mitra et anulo ac aliis pontificalibus insigniis libere uti possint, necnon in eodem monasterio sancti Ypoliti et in prioratibus eidem monasterio subiectis ac parrochialibus et aliis ecclesiis ad ipsos prepositum et conventum communiter vel divisim pertinentibus, quamvis eis pleno iure non subsint, benediccionem sollempnem post missarum vesperarum et matutinarum sollemnia, dummodo in benediccione huiusmodi aliquis antistes vel apostolice sedis legatus presens non fuerit, elargiri possint, felicis recordacionis domini Alexandri pape quarti * que incipit Abbates, et aliis constitucionibus apostolicis in contrarium editis non obstantibus quibuscunque, prout eciam dominus noster Bonifacius papa supradictus eas voluit non obstare. Harum testimonio litterarum, quas sibi super hoc fieri et nostri sigilli iussimus appensione communiri.⁴ Datum et actum in opido nostro ad Sanctum Ypolitum predicte nostre^w diocesis in nostra episcopali curia ibidem, anno domini millesimo trecentesimo nonagesimo quarto, pontificatus predicti domini nostri domini Bonifacii pape noni anno sexto.^x

Source Fulltext: LAMPEL, Urkunden Sanct Pölten (=FRA II, Wien 1901) S. 366-368