Ich Steffan der Gräul und all mein erben verjehen offenleich mit dem brieff umb all ansprach und vödrung, di wïr gehabt haben hinz den erwïrdigen geistleichen herren hern Gerungen dem brobst und dem convent des gotzhaus ze Sandpölten von des haüss wegen mit aller zügehörung‚^a gelegen dacz Re^anhartstarff auf der Pyela, das wïr üns nach erberr läut ratt liebleich und freuntleich mit in^b darumb verricht und veraint haben, alzo beschaidenleich das wïr fürwaz^b hinz in^c und hinz dem egenanten ïrem^d gotshaus von dez vörgenanten hauss wegen ze Re^anhartstarff mit aller zügehörunge^a nichts darinn ausgenömen nach^e hindan gesaczt, fürbas kain^f ansprach recht wartung noch vödrung haben noch gewinnen süllen noche wellen mit recht nach^e an recht, und verzeichen^g uns des ganz und gar. We^ar aber das wir in krieg invell und ïrrung daran^h te^aten oder tuen wolten wie sich das füget, allen den schaden denⁱ si des ne^ament, das süllen wir inc gänzlich widercheren an allen iren schaden, und süllen si das haben dacz üns und auf all dem gütt nichts^k ausgenömen, das wïr haben, wir seinen lebentig oder töd. Mit ürkund des briefs besigelten mit meinem insigel;³ und der sach ist zeug^l Ott der Newnwalder unser veter^m mit seinem insigel,⁴ im an schaden. Geben am phinztag nach sand Peter und sand Pauls tag‚ nach Christiⁿ gebürde^o dreuzehenhundert jar und in dem fünfundneünzigisten^p jare.

Source Fulltext: LAMPEL, Urkunden Sanct Pölten (=FRA II, Wien 1901) S. 375