Ich Hanns der Ho^eltzl‚ ich Elspet sein hausfraw und all unser paider erben vergehen offenleich mit dem brief allen den die in sechent ho^erent oder lesent, die nu leben[t]^a und hernach chu^enftig sind, das wi^er mit wolbedachtem mu^et und mit gesampter hant, ze der zeit^b da wi^er es rechtleich wolgetu^en mo^echten, recht und [red]leich verchauft und hingeben haben unsers rechten aigen alle die gu^eter und gu^elt die auf den nachgeschriben gu^etern behauster holden gelege[n^c sind] in Sand Po^elten pharr: von erst datz Spretzzarn Mert Moderstokch von einem halben lechen zwen halb Rabenstainer che^as oder sechzehen phenn[ing ze] phingsten, fu^enf und sibenzig phenning an sand Po^elten tag, zwai herbsthu^ener oder vi^er phenning, ain gans oder acht phening an Sand Michels tag, einen che^as oder sechzehen phening ze weichnachten, ain hu^en oder vier phenning ze vaschang, zwen chês oder sechzehen phening, dreizzig air oder drei ph[ening] ze o^estern; darnach Ulreich Harner daselbens von einem halben lehen allsvil sam der egenant Mert; Niclo Waitzz von seinem halben lechen alsv[il u]nd Niclo der Groys von einem halben lechen auch alsvil; darnach Symon der Schymel daselbens^d von einem halben lechen ainen halben mutt cho^ern, [ain]en halben mutt habern, fu^emf und vi^erzig phening, zwai herbsthu^ener oder vier phenning, ain gans oder acht phenning an sand Michels tag‚ zwen [che^a]s oder sechzehen phennig ze phingsten, zwen chês oder sechzehen phening ze weichnachten, ain hu^en oder vi^er phening ze vaschang‚ zwen chês [oder] sechzehen phening und dreizzig air ze o^estern, und Ulreich Smide^angstel daselbs von einem halben lechen alsvil sam der egenant Symon; darn[ach] Ku^enigund Sewblein im Do^ernach von einer hofstat dreizzig phenning an sand Cholmans^e tag‚ und Chu^enrat Schu^ester daselbs alsvil von seiner hofstat [au]f denselben tag. Die vorgenanten gu^eter und gu^elt mit aller zu^egeho^erung ze veld und ze dorf‚ gestift und ungestift, versu^echt und unversu^echt, [m]it allen ern nu^ezzen und rechten, als wi^er die in aigens rechten nützz und in gewer wi^er und unser erben ledichleich und unversprochen unz [an] den heutigen tag inngehabt und herbracht haben, also haben wi^er das alles verchauft und hingeben umb hundert phunt wienner phenning, der wi^er zu rechten ta^egen und an all scha^eden ganz und gar verrichtet und gewert sein, den erwi^erdigen geistleichen herren hern Gerungen brobst und dem convent gemainchleich des gotzhauses ze Sand Po^elten, demselben gotzhaus und allen i^ern nachko^emen fu^erbas ledichleich und freileich ze haben und allen i^ern frumen damit ze schaffen, verchaufen versetzen und geben wem si wellent, als mit andern gu^etern die zu demselben i^erem^f gotzhaus geho^erent an all i^errung. Wi^er sein auch der egenanten gu^eter und gu^elt mit aller zu^egeho^erung so vorbenant ist, i^er und irs gotzhaus recht gewern und scherm fu^er alle ansprach als aigens ze schi^ermen rechtleich ist und des landes recht ze O^esterreich. Get in oder i^erem gotzhaus daran icht ab mit recht, oder ob si mit recht icht chrieges oder ansprach daran gewunnen von wem das wêr, allen den schaden den^g si des nement, den su^ellen wir in widerchern und ausrichten an allen i^eren schaden, und su^ellen si das haben datz uns unverschaidenleich und auf unsern erben und darzu^e auf allem unserm gu^et, erbgu^et oder varundgu^et, nichtz ausgenomen, das wi^er haben oder chunftigchleich gewinnen oder hinder uns lassen in dem land ze O^esterreich oder wo wi^er das haben, wi^er sein lebentig oder tod. Mit u^erku^ent des briefs, den ich obgenanter Hanns der Ho^eltzel besigilten gib mit meinem insigil,² und der sach sind gezeugen die erbern Ulreich der Seebekk und Hanns der Pirichvelder mit i^ern insigiln, in paiden an schaden, die wi^er vleizzichleich darumb gepeten haben; und wand ich obgenante Elspet selb aigens insigils nicht enhet, so verpind ich mich mit meinen trewn under des obgenanten Hannsen meins wi^erts insigil mit meinen trewn alles das stet ze haben das vor an dem brief geschriben stet; der geben ist am freitag vor dem sunnbentag, nach Kristi gepu^erd dreuzehen hundert jar und in dem fu^emf und neunzgistem jar.

Source Fulltext: LAMPEL, Urkunden Sanct Pölten (=FRA II, Wien 1901) S. 372-374