Ich Gilig, cho^erherr dacz sand Po^elten und die zeit^a pharrer ze Hu^erben,^b3 vergich fu^er mich und fu^er all mein nachko^emenn pharrer daselbs und tu^en chund offenbar^c mit dem brief allen den die in sehent ho^ernt oder lesent, das u^ens die erber fraw fraw Offmei, Otten des Wu^enberge^ar witib seligen, und all i^er erben ledichleich geschafft gewidemt und geben^d habent zu dem egenanten erwirdigen u^enserm gotshaus ze Hu^erben got ze lob und zu di^enst u^enser frawn und allen heiligen und i^ern selen und allen iren vadern und nachko^emenn und allen gelaubigen selen zu hilf und zu tro^est*** ain phunt rechter wienner phenning geltes aus den dreizehen schilling phenning geltes‚ die si hat auf dem hof der da leit in dem Mittern Schiltpach in Chu^eliber pharr und da die zeit Janns der Chole^ar auf gesezzen ist, und ist * alles i^er rechts aigen, und den si auch umb i^er aigenhaft * gelt gechauft und von allen erben abgeledigt hat; und das benant phunt phenning geltes di^ent man alle jar je^arleich halbs an sand Jo^ergen tag und halbs an u^enser frawn tag z'der liechtmesse zu rechtem di^enst. Dasselbig vorgenant phunt phennig geltes auf dem obgenanten hof und auf aller seiner zuegeho^erung, ausgeno^emen der fu^enf schilling phenning geltes und i^err zu^egeho^erung, habent se u^ens ge^anzleich also geschafft gewidemt und geben zu dem egenanten u^enserm gotshaus ze Hu^erben, ainem isleichen pharre^ar ze Hu^erben, in so^elicher weis, wann das geschiecht, das die vorgenant fraw Offmei abget mit dem tad und stirbt, welichs jars das geschiecht und zu welicher zeit im jar, so schu^ellen wi^er u^ens widerhend noch i^erm tad des obgenanten phunt phening geltes auf dem benanten hof mit seiner zuegeho^erung ga^enczleich underwinden ausgenömmen der * fünf schilling phenning geltes mit ir^er zu^egeho^erung und schu^ellen auch denn desselbigen benanten phunt geltes hinfu^er rechten herren stifter und sto^erer sein und auch das innhaben nu^etzen und niessen als anders gewidemptes guetes recht ist bei dem obgenanten u^enserm gotshaus ze Hu^erben unverchumert und unverderbleich, also das wi^er nicht anders davon nemmen schu^ellen denn nu^er den rechten benanten dienst, noch chainerlai ungelt noch steur darauf legen weder von herczogen noch von bischoff steur; es schol auch das guet und die la^eut darauf von u^ens an alle beswêrung sein, also das es davon icht geo^edt werde an alles gever. Und umb das obgenant phunt phenning geltes hab ich vargenanter Gilig, die zeit pharrer ze Hu^erben verlu^ebt und versprochen fu^er mich und all mein nachko^emenn pharrer daselbs der egenanten frawn Offmein, das wir hinfu^er noch i^erm tad ewichleich ainen ewigen jartag begen schu^ellen, i^err sel und allen i^ern vadern und nachkömenn und allen gelaubigen selen zu hilf und zu tro^est alle jar jerleich an dem nachsten ma^entag noch sand Geo^ergen tag unverzogenleich des suntag abents var mit ainer gesungen vigili und des mantags margens darnoch mit ainem gesungen selampt und mit zwain messen gesprochen. Und schol auch ain isleich pharrer alle jar j rleich desselbigen mantags geben seinen gesellen paiden igleichem fu^enfzehen phenning und dem mesn r sechs phenning, der schol darumb la^euten zu der vigili als gewo^endleich ist; und dem zechmaister vi^er und zwainzik phenning, alles rechter wienner phenning, der schol darumb a^echt cherczen leichen zu der par‚ und die schu^ellen dapei prinnen des obents und des margens, u^enz das der gotsdi^enst aller volpracht wi^ert. Es schol auch desselbigen tags ain isleich pharrer oder u^enser gesellen ainer auf dem letter pitten haissen umb der vargenanten fraun Offmei sel und umb i^ers wi^erts sel Otten des Wu^enberger, * umb ains Hainreichs des Hagekker sel i^ers vater und umb ainer Kathrein sel i^err mueter und umb ains Jewbartes des tu^emfoits sel und ainer Diemueten sel seiner hausfrawen und umb ains Hermans sel und umb ainer Margrêten sel seiner hausfraun und umb all gelaubig selen. Wer aber ich vargenanter Gilig die zeit pharrer zu Hu^erben oder meiner nachko^emenn pharrer ainer daselbs oder unser verweser ainer indert darinn saumig, also das der jartag und das alles so var in dem brief benant und verschriben ist alle jar jrleich nicht ge^anczleich also wu^erd ausgericht vnd volfu^ert an allen abganch und an we^e die saumung geschech und welichs jars das we^ar‚ das schu^ellen wi^er wider erstatten in den nachsten a^echt tagen darnoch unverzogenleich. T ten wi^er des nicht und wolten zu lang verziechen, so habent i^er nachst vreunt vollen gwalt des benanten phünt phenning geltes sich gnzleich ze u^enderwinden und das als lang innhaben unverchumert u^enz das die saumung ganz wider volpracht werd an allen abganch, als oft daz geschiecht. Und wann die saumung also wider volpracht wi^ert, so ist das benant phunt phenning gelts widerhend ledig und das schol man ainen pharrer dann wider geben und antwu^erten an alle widerred und an allen abganch unverzogenleich. Wolt aber ain pharrer der saumung nicht wider erstatten und des jartags also nicht begen und das alles nicht genzleich st t halten und volfu^ern, so var in dem brief verschriben stet, so ist das obgenant phunt phenning geltes ge^anzleich von uns wider ledig und las; und des schu^ellen sich dann i^er nachsten erbem und vrewnt ganz underwinden und das alswohin zu ainer andern kirichen widem und geben zu ainem ewigen jartag, der da ge^anzleich also begangen und ausgericht werd, so var in dem brief verschriben stet an allen abganch.*** Und des alles zu ainem warn sichern u^erchund gib ich obgenanter Gilig cho^erherr dacz sand Po^elten und die zeit pharrer ze Hu^erben fu^er mich und fu^er all mein nachko^emenden pharrer daselbs der egenanten erbern fraun frawn Offmein, Otten des Wu^enbergers witib seligen, und allen i^ern erbem den brief besigelten mit meinem angehangen insigel;⁴ und der sach aller sind zeugen durich meiner fleizzigen pet willen die erbern paid Christan der Sundbekch am O^edhof⁵ und Thoman der Schelinger⁶ mit i^ern angehangenn insiglen, in * und i^ern erbem an schaden. Der brief ist geben noch Christes gepu^erd in dem vi^erzehenhundertistem jar, an sand Margreten tag.

Source Fulltext: LAMPEL, Urkunden Sanct Pölten (=FRA II, Wien 1901) S. 413-415