Ich Clement der Re^adler von O^ed, ich Agnes sein hausfrau und all unser erben vergehen offenlich mit dem brif allen den die in sechent ho^ernt oder lesent, di^e nu^e lebent oder hernach chu^enftig sind, das wir mit wolbedachten mu^et und mit gesampter hant, zu^e den zeiten do wir es mit recht wol getu^en machten, recht und redlich verchau^eft haben unsers rechten frein aigen, unseren hof gelegen dacz Sawdorf in Sand Margareten pharr, do zu^e den zeiten Fridreich, Vlreichs su^en von Widem au^ef gesezzen ist, davon man je^arlich di^ent zwen mu^ett ko^ern an sand Gilgentag und zwen mu^ett habern an sand Mertentag rechter Po^eltinger mass. Und darzu^e haben wir verchau^eft zehen phening au^ef zwain ge^arten au^ech aigens geltes, di gelegen sind bei Syrnikch, di man je^arlich di^ent an sand Michelstag. Also haben wir den vorgenanten hof mittsampt den zehen phening geltes, mit aller zu^egeho^erung ze veld und ze do^erf, es sei pau wismad waid holz nichtes darinne au^esgeno^emen noch hindan gesaczt, es sei gestift oder ungestift, versu^echt und unversu^echt mit allen eren nu^eczen und rechten als wir dis alles in aigens gewe^ar inne gehabt und herpracht haben an all eribvogtei oder an andrew vogtei verchau^eft und hinggeben^a haben umb hündert phünt und umb zwainczig phünt alles wienne^ar phenning, der wir ge^anzlich verricht und gewert sein ze rechten te^agen und an all sche^aden, dem erbe^arn herren hern Wolfgangen dem Feüchter zü den zeiten korherr und chamre^ar des goczhaüs ze Sand Po^elten demselben goczhaüs dem convent und allen irn nachko^emen daselbs der uns der obgenant Fewchte^ar von seiner versparten pfru^ent bezalt hat, also daz er und dasselb ir goczhaus mitsampt dem convent und all i^er nachko^emen daselbs mit den obgenanten gu^etern und gu^elten allen irn frum schaffen sullen, verchau^efen, verseczen und geben wem si wellen und damit ze tun und ze wandelen als mit anderen aigenn gu^etern di zu irm goczhau^es geho^ernt‚ an all unser irrung. Wir sein auch mitsampt u^ensern erben der egenanter^b güter und gült mit aller zu^egeho^erung des vorgenanten hërn Wolfgangs des Fewchter, des goczhaus ze Sandpölten‚ des convents und aller irr nachko^emen daselbs recht gewe^arn und schërm fur all ansprach, als freins aigens recht ist und des landes recht ze O^esterreich. Get in aber daran icht ab mit recht, oder ob si mit recht icht chrieg oder ansprach daran gewu^ennen mit recht, von wem daz we^ar, allen den schaden den si des nemment, wie der schad genant ist‚ daz sullen wir in ge^anczlich ablegen und widerchern und süllen si daz haben dacz uns unverschaidenlich und aüf allen unse^arn gu^etern, es sein erbgu^eter oder varund gu^eter, wie di^e genant oder wo di^e gelegen sind, di wir haben oder noch gewinnen in dem lande ze Osterreich oder wo wir die haben oder lazzen, wir sein lebentig oder to^ed. Und des zü ainem waren ürkund und pesser sicherhait so geben wir dem obgenanten hërn Wolfgangen dem Faüchter, dem goczhaus ze Sandpo^elten, dem convent und allen ïrn nachko^emen daselbs den brif versigilten mit meinem obgenanten Clementen insigil des Re^adler und mit meines pru^eder Hannsen insigl des Re^adle^ar von O^ed und darzü mit Kylians und Wu^elfings beder insigl der Re^adle^ar meinêr vettern von Tann; und der sach sind gezeugen di^e erbern chnecht Irrenfrid der Tyeminge^ar von Haindorf² und Herman der Zervogel von Pru^ennsleinstorf mit irn zwain insiglen an schaden, di wir vleizziglich darümb gepeten haben. Geben an sand Peter und sand Paüls tag‚ nach Kristi gepu^erd tausent jar und vi^erhundert jar.^c

Source Fulltext: LAMPEL, Urkunden Sanct Pölten (=FRA II, Wien 1901) S. 407-409