No. 175. 1431. 11. Nov.

Wir Ludewig von gotsgnaden lantgraue zu Hessen bekennen vftintlich mit diesem vnserm vfrinbriefe vor allen Inten, die en sehin adir hören lesin. Als die ersamen vnd wiisen ratismeister rad vnd die bürgere gemeynlich der stad Lypczk vns vnd vnsern erbin eyne rechte erbehuldtmge gethan han von geheiße wegen der hoichgebornen fursten liern Frcderichs, hern Sigmunds, hern Heinrichs vnd hern Wilhelms gebrudere herczogen zu Sassen vnd hern Frederichs ires vettern alle lant- grauen in Doringen vnd marggrauen zu Miessen vnser liebin oheimen, daz wir den selben burgern gemeynlich geredt han vnd reden in diesem briete, weres daz sie an vns adir an vnser erbin quemen, nachdem als sie vns gehuldiget vnd gesworen han, daz wir sie danne bii allen iren rechten eren wirden allen guten gewonheiden vnd herkommen, als sie bii den vorgenanten vnsern oheimen geseßen han, lassen vnd sie getruwelich darbii behalden sollen vnd wollen ane intrag vnd ane geuerde. Was auch die vorgenanten vnser liebin oheimen von Sassen, von Doringen vnd von Mies- sen an der egenanten stad vnd burgern renthe virsehrebin vnd virwiised hetten adir sie adir ire liibeslehins erbin noch daran virsehrebin vnd virwiisen worden, darinne soln noch woln wir adir vnser erbin nicht griiffen noch dawiddir tun in keynewiies, sunder wir soln vnd woln daz vnuorrucket halten in allir maße, als daz virsehrebin vnd virwiiset ist, abe die an vns quemen. Hetten auch die vorgenanten vnser ohei men von Sassen, von Doringen vnd von Miessen die vorgenante stad vnd bürgere gemeynlich adir iren eynichen besundern virsacz, sie adir ire liibeslehins erbin nach yn noch virsecczen wurden vor schulde, die sie kuntlich erwiisen muchten, des sulten

121 —

vnd wulten wir adir vnser erbin sie gütlich abenemen vnd entledigen, abe sie nach lute der bruderschafft zcuschen den obgenanten vnsern oheimen vnd vns an vns quemen, sunder alle geuerde vnd ane argelist. Des zuorkunde han wir vnser inge- sigel an diesen brieff tun hengken. Gebin vff sente Mertins tag des heiligen bischoffs nach Cristi geburte vierczehinhundert vnd in dem eyn vnd driißigisten iare.

Nach dem Orig. im Rathsarchiv zu Leipzig mit dem Siegel des Landgrafen an einem Pergamentstreifen.