No. 99. 1391. 10. Oct.

Bonifacius episcopus servus servorum dei dilectis filiis . . proconsulibus et . . consulibus opidi Lipzk Merseburgensis diocesis salutem et apostolicam benedictionem. Devotionis vestrae sinceritas promeretur, ut votis vestris in bis praesertim quae ad vestrarum salutein aniraarum cedere valeant quantura cum deo possumus favorabiliter annuamus. Hodie siquidera nobis pro parte vestra exposito, quod pro eo, quod ncgotia universitatis opidi Lipzk Merseburgensis diocesis in theatro dicti opidi vos oporteret frequentius pertractare, missis et aliis divinis ofticiis dum ea in parrochia- libus aut aliis ecclesiis eiusdem opidi pro tempore celebrarentur non possetis com- mode interesse, quamobrem vos zelo devotiouis accensi ac volentes terrena in coe- lestia et transitoria in aeterna felici coramercio coramutare de vestris et buiusinodi communitatis bonis ad laudein divini numinis nee non ad honorem et sub vocabulo gloriosae virginis Mariae quandam capellam in huiusmodi theatro in loco ad hoc congruo et honesto de novo construere ac illam pro uno presbytero seculari, qui in illa missam et alia divina ofticia teneretur pro tempore. celebrare, competenter dotare desideraretis; nos hoc vobis, ut capellam praefatam construi facere in loco praedicto illamque pro huiusmodi presbytero, qui missam et alia divina ofticia huiusmodi tene retur in dicta capella ut praemittitur celebrare, in qua vos et iidem successores vestri missas et alia divina ofrtcia huiusmodi pro tempore audire diocesani loci et alterius cuiuscunque super hoc licentia seu coascnsu minime requisitis libere possetis, aucto ritate apostolica per nostras litteras duximus indulgendum, ins patronatus eiusdem capellae seu praesentandi euudein presbyterum seu rectorem ad eandem capellam postquam constructa et dotata foret ut praefertur vobis et successoribus vestris in proconsulatus et consulatus ofdciis pro tempore in opido praedicto nihilominus reser vantes, prout in ipsis litteris plenius continetur. Nos igitur praemissorum intuitu vos paterno prosequentes atfectu ac potioribus gratiis et favoribus communire volentes

vestris in hac parte supplicationibus inclinati vobis et successoribus ipsis, ut si in dictum opidtim ecclesiasticum quacunque auctoritate generaliter vel specialiter poni contigerit interdictum vos et iidem successores aut maior pars vestrum et eorum, cum huiusmodi consiliis vos seu eos contigerit interesse, in eadem capella ianuis clausis excomraunicatis et interdictis exclusis non pulsatis campanis et sUmmissa voce in vestrum et eorundem successorum ac vestrorum et successorum familiariura huius modi praesentia missam et alia divina ofiicia huiusmodi coram vobis seu eis libere et licite perpetuis temporibus possitis facere celebrari, dummodo vos vel illi causam non dederitis interdicto aut id vobis vel illis non contigerit specialiter interdici, auctoritate apostolica tenore praesentium de speciali gratia indulgemus. Nulli ergo omnino etc. Si quis autem etc. Datum Roinae apud sanctum Petrum VI. Id. Octo-

bris pontiticatus nostri anno secundo.

Pro T. de Nyem. Franciscus.

Nach dein Orig. im Rathsarchiv zu Leipzig. Das an rothen und gelben Fäden befestigt gewesene Blei siegel ist abhanden gekommen.